އިރާނަށް އެމެރިކާ ބްލެކްމެއިލް ނުކުރެވޭނެ ކަމަށް އެެމެރިކާގެ ރައީސް ޑޮނަލްޑް ޓްރަމްޕް ވިދާޅުވެއްޖެއެވެ.

އިރާނުން އިއްޔެ ވަނީ އެގައުމު ހިމެނޭ ކަނޑުގެ ސަރަހައްދުގެ ސަލާމަތީ ކަންކަން ވަރުގަދަކޮށް އެމެރިކާއިން އެގައުމުގެ ޕޯޓުތައް ބަނދުކޮށްފައި އޮތް އޮތުން ނިމުމަކަށް ގެނައުމުގެ މަސައްކަތް ފަށައިފައެވެ.

ރިޕޯޓުތައް ބުނާގޮތުން އެމެރިކާއިން މިމަހުގެ 14 ވަނަ ދުވަހުން ފެށިގެން ދަނީ އިރާނުގެ ޕޯޓުތައް ބަންދުކޮށް އެ ސަރަހައްދުގައި ހަރަކާތްތެރިވަމުންނެވެ.

އެމެރިކާގެ އެ އަމަލު ކުށްވެރިކޮށް އިރާނުން ވަނީ އެމެރިކާއިން ދަނީ އިރާނަށް އޮތް ހައްގުތަކަށް އަރައިގަނެ ހަމަލާ ބަދަލުކުރުން ހުއްޓާލުމުގެ އެއްބަސްވުމާ ހިލާފުވަމުން ކަމަށް ބުނެފައެވެ.

ޓްރަމްޕް ވިދާޅުވެފައިވާގޮތުގައި، މަޝްވަރާތައް ވަރަށް ރަނގަޅަށް ކުރިޔަށް ގެންދަނިކޮށް އިރާނުން ވަނީ އަނެއްކާވެސް ހޮރްމުޒް ކަނޑުއޮޅި ބަންދުކޮށްފައެވެ.