ހުޅުމާލެ ފޭސް ދޭއްގައި ހެދި ރޯދަ މާރުކޭޓް މިއަދު ހުޅުވައިފިއެވެ.

ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން މިރޭ ބުނީ އެ ރޯދަ މާރުކޭޓަކީ، ފޭސް ދޭއްގައި ދިރިއުޅޭ ރައްޔިތުންނަށް ފަސޭހައިން ކާބޯތަކެތި ލިބޭނެ އިންތިޒާމު ހަމަޖެއްސުމުގެ ގޮތުން ހުޅުވި މާރުކޭޓެއް ކަމަށެވެ.

އެ މާރުކޭޓުން ލިބޭ ބާވަތްތަކުގެ ތެރޭގައި މަހުގެ ބާވަތްތަކާއި، މޭވާ އަދި ތަރުކާރީގެ އިތުރުން އެހެނިހެން ބާވަތްތަކުގެ ކާނާތައް ހިމެނޭ ކަމަށް އެޗްޑީސީން ބުންޏެވެ.

ރޯދަ މާރުކޭޓް ގާއިމުކޮށްފައިވަނީ ވިނަރެސް ޓަވަރު 8 އާއި އެ ސަރަހައްދުގައި ހުންނަ ވަގުތީ މިސްކިތް ދޭތެރޭގައި ކަމަށް އެޗްޑީސީން ބުންޏެވެ.