ބާ މުސްހަފުތައް ނައްތާލަން ސިޓީ ކައުންސިލާ ހަވާލުކުރަން ހުޅުވާލައިފި

ބާ މުސްހަފުތައް ނައްތާލަން މާލޭ ސިޓީ ކައުންސިލާ ހަވާލުކުރަން ހުޅުވާލައިފިއެވެ.

ސިޓީ ކައުންސިލުން އިއްޔެ ގެޒެޓުގައިކުރި އިއުލާނެއްގައި ބުނީ މާލެ ސިޓީގެ ގޭގޭ ގައި ހުރި، ނައްތާލަން ބޭނުންވާ، ބާވެ ނުވަތަ ހަލާކުވެފައިވާ މުސްހަފްތަކާއި ކީރިތި ގުރުއާނުގެ އާޔަތް ތަކާއި ކީރިތި ރަސޫލާގެ ( صلى الله عليه وسلم ) ހަދީޘްތައް ލިޔެފައި ހުންނަ ފޮތްތަކާއި ލިޔުންތައް، ކައުންސިލާ ހަވާލުކުރެވޭނެ އިންތިޒާމު މިހާރު ހަމަޖައްސާފައިވާ ކަމަށެވެ.

ތަކެތި ބަލައިގަންނަ ތަންތަން:

• މާލެ: ސިނަމާލެ 3 ގެ ގޯތިތެރެ ( ގަލޮޅު މަދުރަސާ ކުރިމަތިން ބުރުޒުމަގުން ސިނަމާލެ 3 ގެ ގޯތިތެރެއަށް ވަދެވޭ ގޭޓުން އެތެރެ )
• ހުޅުމާލެ: މާލޭ ސިޓީ ކައުންސިލް އިދާރާގެ ހުޅުމާލެ އޮފީސް
• ވިލިމާލެ: މާލޭ ސިޓީ ކައުންސިލް އިދާރާގެ ވިލިމާލެ ސެކްޝަން

މާދަމާއިން ފެށިގެން މިމަހުގެ 29 ވަނަ ދުވަހުގެ ނިޔަލަށް ކޮންމެ ދުވަހެއްގެ ހެނދުނު 9:00 އިން މެންދުރު 12:00 އަށް، މެންދުރު ފަހު 1:00 އިން ހަވީރު 5:00 ތަކެތި ބަލައިގަންނާނެކަމަށް ސިޓީ ކައުންސިލުން ބުންޏެވެ.