އަހަރުގެ ފުރަތަމަ ހަ ދުވަހު 43،000 އަށްވުރެ ގިނަ ފަތުރުވެރިން ރާއްޖެ އައިސްފި

މިއަހަރުގެ ފުރަތަމަ ހަ ދުވަހު 43،000 އަށްވުރެ ގިނަ ފަތުރުވެރިން ރާއްޖެއަށް އައިސްފައިވާކަމަށް ޓޫރިޒަމް މިނިސްޓްރީން ބުނެފިއެވެ.

ޓޫރިޒަމް މިނިސްޓްރީން މިއަދު އާންމުކޮށްފައިވާ ތަފާސްހިސާބުގައިވާ ގޮތުން މިއަހަރުގެ ފުރަތަމަ ހަ ދުވަހު 43،481 ފަތުރުވެރިންވަނީ ރާއްޖެއަށް އައިސްފައެވެ. އެއީ މިދިޔަ އަހަރުގެ މި މުއްދަތާއި އަޅާބަލާއިރު 14.6 ޕަސަންޓުގެ ކުރިއެރުމެއްކަމަަށް ތަފާސްހިސާބުގައިވަނީ ފާހަގަކޮށްފައެވެ.

ތަފާސްހިސާބުގައިވާ ގޮތުން މިިދިޔަ އަހަރުގެ މި މުއްދަތުގައި ރާއްޖެއަށް ޒިޔާރަތްކުރި 37,928 ފަތުރުވެރިންނެވެ.

މި އަހަރުގެ ފުރަތަމަ ހަ ދުވަހު ރާއްޖެެ އައި ފަތުރުވެރިން:

ޖަނަވަރީ 1: 5,929 ފަތުރުވެރިން

ޖަނަވަރީ 2: 7,655 ފަތުރުވެރިން

ޖަނަވަރީ 3: 8,082 ފަތުރުވެރިން

ޖަނަވަރީ 4: 7,930 ފަތުރުވެރިން

ޖަނަވަރީ 5: 6,136 ފަތުރުވެރިން

ޖަނަވަރީ 6: 7,749 ފަތުރުވެރިން

މިއަހަރުގެ ފުރަތަމަ ހަ ދުވަހު ރާއްޖެއަށް އެންމެ ގިނައިން އައިސްފައިވަނީ ރަޝިއާގެ ފަތުރުވެރިންނެވެ. ރަޝިއާއިން 9،137 ފަތުރުވެރިންވަނީ ރާއްޖެއަށް އައިސްފައެވެ. އިޓަލީ ދެވަނައިގައި އޮތްއިރު އެ ގައުމުން ރާއްޖެ އައިސްފައިވަނީ 7،047 ފަތުރުވެރިންނެވެ. ތިންވަނައިގައި އޮތް އިނގިރޭސިވިލާތުން އައިސްފައިވަނީ 2،859 ފަތުރުވެރިންނެވެ.