ތ. ބުރުނި ގޮނޑުދޮށް ހިމާޔަތްކުރުމުގެ މަޝްރޫއުގެ މަސައްކަތުގެ 95 ޕަސެންޓު ނިންމައިފިއެވެ.

ހައުސިން އެންޑް އިންފްރާންސްޓްރަކްޗާ މިނިސްޓްރީގެ ފަރާތުން 2022 ސެޕްޓެމްބަރު މަހުގެ 23 ވަނަ ދުވަހު އެމްޓީސީސީއާ ހަވާލުކުރި އެ މަޝްރޫއުގެ އަމަލީ މަސައްކަތް ފެށީ 2022 ނޮވެމްބަރު މަހުގެ ތެރޭގައެވެ.

އެމްޓީސީސީން މިއަދު ބުނީ އެ މަޝްރޫއުގެ ދަށުން، އެ ޕްރޮޖެކްޓަށް ބޭނުންވާ ހިލަތައް ލިބިފައިވާ ކަމަށެވެ.

ޖުމުލަ 28.8 މިލިއަން ރުފިޔާގެ އެ މަޝްރޫއުގެ ދަށުން ބުރުނީގެ ރަށް ގިރުމުގެ މައްސަލަ ހައްލުކުރުމަށްޓަކައި 21,181.80 ކިއުބިކް މީޓަރުގެ ވެލި، ގިރާ ސަރަހައްދަށް އެޅުމާއި 369 މީޓަރުގެ ބޭރުތޮށިލުމާއި 220 މީޓަރުގެ ރިވެޓްމަންޓް ގާއިމުކޮށް ބީޗް ރިޕްލެނިޝްކުރުން ހިމެނެއެވެ.