ބޮލީވުޑް ތަރި އަނަންޔާ ޕާންޑޭ، ފްރާންސްގެ ލަގްޒަރީ ބްރޭންޑް ޗެނެލްގެ އިންޑިއާގެ ފުރަތަމަ ބްރޭންޑް އެމްބެސެޑަރަކަށް ހޮވިއްޖެއެވެ. މިކަން ޗެނެލްއިން އިއުލާނު ކުރީ މިއަދު އެވެ. މި ހަބަރު މިއައީ އިންޑިއާގައި ލަގްޒަރީ މާކެޓް ދުވަހެއް ދުވަހަކަށް ކުރިއަރަމުން އަންނަ ދަނޑިވަޅެއްގައެވެ.

ޗެނެލްއިން ބުނެފައިވާ ގޮތުގައި އަނަންޔާ އަކީ ވަކި ޖީލެއްގެ ޒުވާނުންގެ ތަމްސީލެއް ކަމަށާއި، އޭނާގެ އަގުތައް ޗެނެލްގެ އަގުތަކާ ދިމާވާތީ، އޭނާއަކީ ޗެނެލް ތަމްސީލުކުރުމަށް އެންމެ އެކަށޭނަ ފަންނާނެވެ. އަނަންޔާ އަކީ ދުނިޔެއަށް އަންނަ ބަދަލުތަކާ ފައި ހަމަކޮށްގެން ކުރިޔަށްދާ، މިނިވަން ވިސްނުމެއް ގެންގުޅޭ ޒުވާނުންގެ ނަމޫނާއެއް ކަމަށްވެސް ޗެނެލްއިން ބުނެފައިވެއެވެ.

އަނަންޔާ ބުނެފައިވަނީ ޗެނެލްއަކީ އަމިއްލަ މިނިވަންކަމުގެ ރޫހު ތަމްސީލުކުރާ ބްރޭންޑެއް ކަމަށާއި، މީހުންނަށް އަމިއްލަވަންތަކަން ފާޅުކުރުމަށް ބާރުދޭ ބްރޭންޑެއް ކަމަށެވެ. އަނަންޔާ ޗެނެލްގެ ބްރޭންޑް އެމްބެސެޑަރަކަށް ވާނެ ކަމަށް ލަފާކުރެވުނީ އޭނާ ޗެނެލްގެ ސްޕްރިންގް/ސަމާ 2025 ޝޯގައި ބައިވެރިވުމަށްފަހުއެވެ.

https://www.instagram.com/p/DAlCxW-TVau/

އަނަންޔާ އަކީ ސްވަރޮވްސްކީ، ޖިމީ ޗޫ، ލަކްމޭ، ބީޓްސް އަދި ޓައިމެކްސް ފަދަ ބްރޭންޑްތަކުގެވެސް އެމްބެސެޑަރެކެވެ.

އިންޑިއާގެ އެހެން ތަރީންގެ ތެރެއިން ސޯނަމް ކަޕޫރް ޑިއޯރ އާއި، އާލިޔާ ބަޓް ގުއްޗީ އާއި، ދީޕިކާ ޕަދުކޯން ލުއި ވިޓޮން އާއި، އައިޝްވަރިޔާ ރާއީ ލޮރިއަލްއާ ގުޅިފައިވާކަން ފާހަގަކުރެވެއެވެ.

އަނަންޔާ ޕާންޑޭ ޗެނެލްގެ ބްރޭންޑް އެމްބެސެޑަރަކަށް ވުމާއެކު، އޭނާގެ ކެރިއަރަށާއި އިންޑިއާގެ ފެޝަން އިންޑަސްޓްރީ އާ ހަރުފަތަކަށް އަރާނެކަމަށް ގިނަ ބަޔަކު އުންމީދުކުރެއެވެ.