ބްރޯޑްކާސްޓިން ކޮމިޝަންގެ މެންބަރުކަމަށް ގ. ގޮފި އައިމިނަތު ސަރާހަތު އިއްޒަތު، އާއި ހއ. އިހަވަންދޫ އުސްއަކުރުގެ މުހައްމަދު އަބްދުﷲ، (މުހައްމާ) އައްޔަން ކުރަން ރައްޔިތުންގެ މަޖިލީހުން ފާސްކޮށްފިއެވެ.

ބްރޯޑް ކާސްޓިން ކޮމިޝަނުގެ މެންބަރުކަމަށް ހުޅުވާލުމުން ކުރިމަތިލި ފަރާތްތަކުގެ ތެރެއިން އިސްކަންދެއްވާ ތަރުތީބުން ރައީސުލްޖުމްހޫރިއްޔާ މަޖިލީހަށް 12 ބޭފުޅެއްގެ ނަން ފޮނުއްވިއެވެ.

  • މުހައްމަދު އަބްދުﷲ، އުސްއަކުރުގެ، ހއ. އިހަވަންދޫ
  • އިބްރާހިމް މުއާޒު އަލީ، ހަޒާރުމާގެ، ނ. ފޮއްދޫ
  • އިބްރާހިމް އަޝްރަފް، ވ. މަށިވެލި
  • ލެފްޓިނެންޓް ކާނަލް ރިޓަޔާޑް ޒުބެއިރު އަހުމަދު މަނިކު، ގ. މަލްވިނަ
  • އަބްދުﷲ ހުމެއިދު، ފަޒާ، ޅ. ހިންނަވަރު
  • އާއިޝަތު ދިޔާނާ ތޯހިރު، ސެވަން ސްޓާ، ސ. ހިތަދޫ
  • އައިމިނަތު ސަރާހަތު އިއްޒަތު، ގ. ގޮފި
  • ޝިމްލާ އަހުމަދު، އާސްޓްރަލްގެ، ސ. ހިތަދޫ
  • އިސްމާއީލް ޝަފީގު، މ. ސްލީޓް
  • ޝިފްޒާ މުސްތަފާ އާސާން، މާދަނޑު، ޏ. ފުވައްމުލައް
  • އަލީ ނިޝާން، ގ. ކޫލްގްރާސް
  • މުހައްމަދު ޝަމީން، ހ. ޕްރިޓީވިލާ

އެފަރާތްތަކާ އިންޓަވިއުކުރުމަށްފަހު މިނިވަން މުއައްސަސާތަކުގެ ކޮމިޓީގެ ރިޕޯޓު މިއަދުގެ ޖަލްސާއަށް ހުށަހެޅުމަށްފަހު ވޯޓަށް އަހާފައިވަނީ ވެސް ތިން ބޭފުޅުންގެ ނަމަށެވެ. އެ ތިން ބޭފުޅުންގެ ތެރެއިން ދެ ބޭފުޅުންގެ ނަން ފާސްވުމުން އިތުރު ބޭފުޅުންގެ ނަމަކަށް ވޯޓަށް އަހާފައެއް ނުވެއެވެ. އެ ބޭފުޅުންގެ ތެރެއިން ސަހާރަތުގެ ނަން ފާސްވީ 68 މެންބަރުންގެ ވޯޓުންނެވެ. އަދި މުހައްމާގެ ނަން ފާސްވީ 58 މެންބަރުންގެ ވޯޓުންނެވެ.

ޝިފްޒާ މުސްތަފާގެ ނަން ފާހެއް ނުވިއެވެ.