މޯލްޑިވްސް މީޑިއާ ކައުންސިލް (އެމްއެމްސީ) އިން ނޫސްވެރިކަމުގެ އެވޯޑް ދިނުމަށް ބާއްވާ ހަފުލާ އަންނަ އޮކްޓޯބަރު މަހުގެ 28 ވަނަ ދުވަހު ބޭއްވުމަށް އެ ކައުންސިލުން ނިންމައިފިއެވެ.

އެމްއެމްސީ އިން މިއަދު ބުނީ އެ ހަފުލާ ބާއްވާނީ ހުޅުމާލޭގައި ހުންނަ އުމަރު ޒަހީރު އޮފީސް އިމާރާތުގެ މަލްޓި ޕާޕަސް ހޯލުގައި އެ ރޭ 20:30 ގައި ކަމަށެވެ.

ނޫސްވެރިިކަމުގެ އެވޯޑަށް ކުރިމަތިލުމުގެ މުއްދަތަ މިދިޔަ ޖުލައި މަހުގެ 11 އަށް ހަމަވެފައިވާއިރު މިފަހަރުގެ ނޫސްވެރިކަމުގެ އިނާމަށް 18 ދާއިރާއަކުން 86 ހުށަހެޅުން ލިބިފައިވެއެވެ.

  • ތަހުގީގީ ނޫސްވެރިކަން
  • އިޖުތިމާއީ ދާއިރާ
  • ސިޔާސީ ދާއިރާ
  • ޝަރުއީ އަދި ޤާނޫނީ ދާއިރާ
  • ވިޔަފާރި އާއި އިގްތިސާދުގެ ދާއިރާ
  • ކުޅިވަރުގެ ދާއިރާ
  • ފޮޓޯ ޖާނަލިޒަމްގެ ދާއިރާ
  • ވީޑިއޯ ޑޮކިއުމެންޓްރީ
  • ގްރެފިކްސް އާއި އިލެސްޓްރޭޝަން
  • ފީޗާ
  • ތާރީހާއި ސަގާފަތް
  • މުނިފޫހިފުލުވުމާއި ފަންނުވެރިކަން
  • ތިމާވެއްޓާއި ދެމެހެއްޓެނިވި ތަރައްގީ
  • އޯޑިއޯ ޖާނަޒިލް
  • އަހަރުގެ އެންމެ މޮޅު ކަވަރޭޖް
  • އުންމީދޫ ނޫސްވެރިޔާ
  • އަހަރުގެ އެންމެ މޮޅު ނޫސްވެރިޔާ
  • އަތޮޅުތެރޭގެ އެންމެ މޮޅު އުފެއްދުން

އެމްއެމްސީން ބުނެފައިވަނީ އެ ދާއިރާތަކުގެ ތެރެއިން އޯޑިއޯ ޖާނަލިޒަމް އާއި އަތޮޅު ތެރޭގެ އެންމެ މޮޅު އުފެއްދުން ފިޔަވައި ހުރިހާ ދާއިރާތަކަށް ހުށަހެޅުންތައް ލިބިފައިވާ ކަމަށެވެ.