ޔޫރޯ 2024 ގައި ކުޅޭ 26 ވަނަ މިނެޓުގައި ސްކޮޓްލޭންޑާއި ހަންގޭރީ ވާދަކުރާ މެޗުގެ ލައިވް ބްލޮގަން "ވަން ސްޕޯޓްސް"ގެ ކިޔުންތެރިންނަށް މަރުހަބާ!

މިއީ ގްރޫޕް އޭގައި މިރޭ ފަހު ދެ މެޗުގެ ތެރެއިން އެއް މެޗު. މިރޭގެ މެޗަށް ނުކުންނަ އިރު، ހަންގޭރީ އޮތީ ޖަރުމަނާއި ސްވިޒަލޭންޑް އަތުންވެސް ބަލިވެފައި. އަނެއްކޮޅުން ސްކޮޓްލޭންޑް އޮތީ ފުރަތަމަ މެޗުން ބަލިވި ނަމަވެސް، ސްވިޒަލޭންޑް އަތުން ޕޮއިންޓެއް ހޯދާފައި.

  • ސްކޮޓްލޭންޑް

ސްކޮޓްލޭންޑަށް ދެވަނަ ޓީމުގެ ގޮތުގައި ގަދަ 16 ޔަގީންކުރަން، ސްވިޒަލޭންޑް ޖަރުމަނު ކައިރިން ބަލިވާން ޖެހޭ. އަދި އެ ފުރުސަތު ސްވިޒަލޭންޑަށް ލިބޭނީ ޓައި ބްރޭކާ ކަނޑައަޅާ ތަރުތީބަށް ބަލައިގެން. މިރޭ ހަންގޭރީ ކައިރިން ބަލިވެއްޖެނަމަ، ދެން ސްކޮޓްލޭންޑަކަށް ގަދަ 16 އަށް ނުލިބޭނެ.

  • ހަންގޭރީ

ހަންގޭރީއަށް މިހާރު އެންމެ މޮޅު ދެ ޓީމުގެ ތެރޭގައި ހިމެނޭނެ ފުރުސަތެއް ނެތް. އެޓީމަށް ކިރިޔާވެސް ގަދަ 16 ގެ އުންމީދެއް އޮތީ މިރޭގެ މެޗުން މޮޅުވެގެން.