ވޭތުވެދިޔަ 24 ގަޑިއިރުތެރޭ ދިއްލީގައި ހޫނުގަދަވުމުގެ ސަބަބުން 17 މީހަކު މަރުވެއްޖެއެވެ.

އިންޑިއާގެ ވެރިކަންކުރާ ރަށް ދިއްލީގެ ފިނިހޫނުމިން އާދަޔާ ހިލާފަށް މަތިވެފައިވާއިރު އެ ސިޓީގައި ވަނީ ހޫނުގެ ސަބަބުން ގިނަ ބަޔަކަށް ސިއްހީ މައްސަލަތަކާއި ކުރިމަތިލާން ޖެހިފައެވެ.

އޮފިޝަލުން ވަނީ ވޭތުވެދިޔަ 24 ގަޑިއިރުތެރޭ ދިއްލީގައި ހުންނަ ސަފްދަރުޖުން ހޮސްޕިޓަލަށް 33 މީހަކު ހޫނުގެ ސަބަބުން ސްޓްރޯކް ޖެހިގެން ގެންގޮސްފައިވާކަމަށް ބުނެފައެވެ.

ދިއްލީގައި ހުންނަ ރާމް މަނޯހަރް ލޮހިއާ ހޮސްޕިޓަލަށްވެސް 22 މީހަކު ސްޓްރޯކް ޖެހިގެން ގެންގޮސްފައިވާ ކަމަށް ރިޕޯޓުތައް ބުނެއެވެ.