ގަތަރު ވޯލްޑް ކަޕް 2022 ގެ ގްރޫޕް އެފްގެ ހަވަނަ މެޗުގައި ކެނެޑާއާއި މޮރޮކޯ ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މޮރޮކޯއިން ވޯލްޑް ކަޕްގެ ގަދަ 16 ހޯދަން މިރޭ ނުކުންނާނީ ކަޓާފައިވާ ކެނެޑާއާ ދެކޮޅަށް. މޮޅަކާއެކު އަމިއްލަ ބާރުގައި މޮރޮކޯއަށް ގަދަ 16 ހޯދެން އޮތް އިރު، މޮރޮކޯގެ ވޯލްޑް ކަޕް ތާރީހުގައި އެޓީމުން މިހާތަނަށް ވޯލްޑް ކަޕްގެ ގަދަ 16 ހޯދާފައިވަނީ އެންމެ ފަހަރަކު. އެއީ 1986 ވަނަ އަހަރު މެކްސިކޯ ވޯލްޑް ކަޕްގައި އެކަނި. ކެނެޑާއަށް ދެން މި ވޯލްޑް ކަޕުން ހޯދެން އޮތް ޝަރަފަކީ އެގައުމުގެ ތާރީހުގައި ފުރަތަމަ ވޯލްޑް ކަޕްގެ މޮޅު ހޯދުން.