ގަތަރު ވޯލްޑް ކަޕް 2022 ގެ ގްރޫޕް ޖީގެ ތިންވަނަ މެޗުގައި ކެމަރޫނާއި ސާބިއާ ވާދަކުރާ މެޗުގެ ލައިވް ބްލިގަށް "ވަން"ގެ ކިޔުންތެރިންނަށް މަރުހަބާ!

މިއަދުގެ މެޗަށް ސާބިއާ ނުކުންނަނީ ފުރަތަމަ މެޗުގައި އެ ގްރޫޕްގެ ފެވަރިޓް، ބްރެޒިލް އަތުން 2-0 ގެ ނަތީޖާއަކުން ބަލިވެފައި އޮވެގެން. އަދި ކެމަރޫނުން ފުރަތަމަ މެޗުގައި ބަލިވީ ސްވިޒަލޭންޑް އަތުން 1-0 ގެ ނަތީޖާއަކުން. އެހެންކަމުން ގަދަ 16 ގެ އުންމީދަށް ދެޓީމަށްވެސް މެޗު މުހިއްމު. ތިން ޕޮއިންޓް މި މެޗުން ހޯދައިގެން ނޫން ގޮތަކަށް ގަދަ 16 އަށް ދިޔުން ވެގެންދާނީ އުނދަގޫ ކަމަކަށް.

  • ދެޓީމުވެސް ބޭނުންވާ ޕްރެޝަރެއްގައި؟

މިވަގުތު ސާބިއާއާއި ކެމަރޫންނަށްވެސް ދަނޑު ބޭރުގެ ޕްރެޝަރު އެބައޮތް. ސާބިއާއިން ފުރަތަމަ މެޗުގައި ކޮސޯވޯ ހިމެނޭނެހެން ލޯގޯ ޖަހާފައިވާ ދިދައެއް ބޭނުން ކުރި މައްސަލަ ފީފާއިން ދަނީ މިހާރުވެސް ބަލަމުން. މެޗުގެ ކުރިން ސާބިއާގެ ކޯޗާއި ގޯލްކީޕަރު މިލިންކޮވިޗް ސަވިޗް ވެސް ވަނީ އެކަމަށް ބަހެއް ބުނަން ދެކޮޅު ހަދާފައި.

އަނެއްކޮޅުން ކެމަރޫނަށް އޮތީ އެގައުމުގެ އެފްއޭ ރައީސް، އަދި ކުރީގެ ކުޅުންތެރިޔާ ސެމިއުލް އެޓޫ ކުރި އަންދާޒާއެއްގެ ޕްރެޝަރު. އެޓޫ އަންދާޒާ ކުރީ ކެމަރޫން އެއްކޮޅުން ފައިނަލް ކުޅޭނެ ކަމަށް. އެއީ ޕްރެޝަރެއް ނޫން ކަމަށް ކޯޗު ރިގޮބާޓް ސޯންގް ބުނި ނަމަވެސް، ކޮންމެ ބައްޔަކާއެކު އެގައުމުގެ މީޑިއާއިން އެޓޯގެ ބަހާ ވިއްދައިގެން ޓީމަށް ފާޑު ކިޔުމަކީ ވެދާނެ ކަމެއް.