ގަތަރު ވޯލްޑް ކަޕް 2022 ގެ ގްރޫޕް އެފްގެ ތިންވަނަ މެޗުގައި ބެލްޖިއަމްއާއި މޮރޮކޯ ވާދަކުރާ މެޗުގެ ލައިވް ބްލޮގަށް "ވަން"ގެ ކިޔުންތެރިންނަށް މަރުހަބާ!

މިރޭގެ މެޗަށް ބެލްޖިއަމުން ނުކުންނަނީ ފުރަތަމަ މެޗުގައި 1-0 އިން ކެނެޑާ ކައިރިން މޮޅުވެފައި އޮވެގެން. އެމެޗުން ބެލްޖިއަމް މޮޅުވި ނަމަވެސް، އެއީ އުނދަގޫ މޮޅެއް. ހާއްސަކޮށް މެޗުގައި ގިނަ ހަމަލާތައް އުފައްދައި، ގިނަ ވަގުތު ބޯޅަ ހިފަހައްޓައިގެން ކުޅުނީ ކެނެޑާ. އަނެއްކޮޅުން ނުކުންނަ މޮރޮކޯ ވަނީ ފުރަތަމަ މެޗުގައި 0-0 އިން އެންމެފަހުގެ ރަނަރަޕް ކްރޮއޭޝިއާ ކައިރީ އެއްވަރު ކޮށްފައި.

"ތެދަށް ބުނަންޏާ މީގެ ހަތަރު އަހަރު ކުރިން ބެލްޖިއަމްއަށް ވޯލްޑް ކަޕް ނެގުމުގެ މާބޮޑު ފުރުސަތެއް އޮތް. އެހެންވިޔަސް، އަހަރެމެންގެ ޓީމުގައި މިހާރުވެސް ކޮލިޓީ އެބަހުރި މެޗުތަކުން މޮޅުވެ މުބާރާތް ނަގަންވެސް. އެހެންވިޔަސް ބައެއް ކުޅުންތެރިން އެބަތިބި މިހާރު މާބޮޑަށް އުމުރުން ދުވަސްވަމުންދާ. އެކަމަކު ހަނދާން ނައްތާލައިގެން ނުވާނެ، އަހަރެންގެ ޓީމުގައި އެބަހުރި ދުނިޔޭގެ އެއްވަނަ ގޯލްކީޕަރާއި އެއްވަނަ މިޑްފީލްޑަރުވެސް. އަދި މޮޅެތި ފޯވަޑުންނާއެކު އެ ކުޅުންތެރިން މޮޅަށް ބޭނުންވާ ވަރު ބޮޑު. ފޯމު ރަނގަޅު ކޮށްގެން ބެލްޖިއަމްއަށް ވޯލްޑް ކަޕް ނެގިދާނެ. އެކަމަކު އެ ނޫން ގޮތަކަށް ވޯލްޑް ކަޕް ނަގަން އުނދަގޫވާނެ. ފުރަތަމަ މެޗުވީމަ އެ މެޗުގައި އުނދަގޫތަކެއް ދިމާވި. ބިރުގަންނަހެން ހީވި މުހިންމު ޕާސްތައް ޖަހަންވެސް،"

"އެފްރިކާ ފުޓުބޯޅައިގެ ވިސްނުން ކޮންމެވެސް ވަރަކަށް ބަދަލުކުރަންވީ. އެފްރިކާ ޓީމުތަކުން ކުރިން އައީ ހިތްގައިމު މެޗުތަކެއް ކުޅެމުން. އެކަމަކު އެ ހުރިހާ ގައުމެއްވެސް ފުރަތަމަ ބުރުން ކަޓައިގެންދާނީ. އެކަމަކު އެއީއެއް ނޫން ވޯލްޑް ކަޕަށް ނުކުންނަ ސަބަބަކީ. ވޯލްޑް ކަޕްގެ ގްރޫޕް ސްޓޭޖަށް ނުކުންނާނީ ދެވަނަ ބުރަކަށް ދާން. ބައެއް މީހުން މި ވާހަކައަށް ހިތްހަމަވެސް ނުޖެހިދާނެ. އެއީ މީހުން ބޭނުންވާނީ ޝޯއެއް. އެންމެ މުހިންމު ކަމަކީ އެފްރިކާގެ ޝަރަފަށް އެފްރިކާ ޓީމެއް ގަދަ 16 އަށް ގެންދިއުން. ބޭނުންވަނީ ޔޫރަޕުގެ ވިސްނުމެއް. އެއީ ގަދަ 16 ހައްގުވާ ކަމަށް ގަބޫލުކުރާ ވިސްނުމެއް."