ޔޫރޯ 2020 ގެ ގްރޫޕް ޑީގެ ދެވަނަ މެޗުގައި ސްކޮޓްލޭންޑާއި ޗެކު ރިޕަބްލިކް ވާދަކުރާ މެޗުގެ ލައިވް ބްލޮގަށް "ވަން" ގެ ކިޔުންތެރިންނަށް މަރުހަބާ!

މިއަދުގެ މެޗަށް ސްކޮޓްލޭންޑާއި ޗެކު ރިޕަބްލިކް ނުކުންނާނީ ގްލަސްގޯގެ ހެމްޕްޑެން ޕާކުގައި. އެ ގްރޫޕްގެ ފުރަތަމަ މެޗުގައި ސްކޮޓްލޭންޑްގެ ވާދަވެރި އިންގްލެންޑް ވަނީ ކްރިއޭޝިއާ ބަލިކޮށްފައި. ސްކޮޓްލޭންޑުން ފުރަތަމަ މެޗުގައި ހޯމްގައި ނުކުތުމަކީ އެޓީމަށް ލިބޭނެ ބޮޑު ހިތްވަރެއް. ސްކޮޓްލޭންޑުން ބޮޑު މުބާރާތަކަށް މި ނުކުންނަނީ 23 އަހަރަށްފަހު.

  • ގްލަސްގޯއާއި ހަމްޕްޑެން ޕާކުގެ ބައެެއް މުހިއްމު މައުލޫމާތު

ސިޓީ: ގްލަސްގޯ

ސްޓޭޑިއަމް: ހަމްޕްޑެން ޕާކް

ސަޕޯޓަރުންގެ ޖާގަ: 51،866 މީހުން

އުސޫލުތަކާއެކު ސަޕޯޓަރުން ވެއްދޭނެ ކަމަށް ބުނެފައިވާ އަދަދު: 12،000 މީހުން (25 ޕަސެންޓް)

ގްލަސްގޯ

- ސްކޮޓްލޭންޑްގެ އެންމެ ބޮޑު، ޔޫކޭ ގެ ތިންވަނައަށް އެންމެ ބޮޑު ސިޓީ

- ދުނިޔޭ ތާރީހުގައި ކުޅެވުނު އެންމެ ފުރަތަމަ ބައިނަލްއަގުވާމީ މެޗު ކުޅުނު ސިޓީ

ހަމްޕްޑެން ޕާކް

- 1908-50 އަށް ދުނިޔޭގެ އެންމެ ބޮޑު ސްޓޭޑިއަމް

- ސްކޮޓްލޭންޑް ގައުމީ ޓީމުގެ އިތުރުން އެމެޗާ ޓީމު ކުއީންސް ޕާކްގެ ހޯމް ސްޓޭޑިއަމް

ޗެކު ރިޕަބްލިކާއި ސްކޮޓްލޭންޑް ވަނީ މީގެ ކުރިން ނުވަ މެޗުގައި ވާދަކޮށްފައި. ދެޓީމުގެ ނަތީޖާތައް ފެނުނީ ދާދި ހަމަހަމަކޮށް. ސްކޮޓްލޭންޑާއި ޗެކު ރިބަޕްލިކްވެސް ހަތަރު މެޗު ކާމިޔާބު ކޮށްފައި އޮތްއިރު، އެއްވަރުވެގެން ނިމުނީ އެއް މެޗު.