ޑިފެންސް މިނިސްޓަރު މާރިޔާ އަހުމަދު ދީދީ ހާޒިރު ކޮށްގެން މިއަދު ބޭއްވި ރައްޔިތުންގެ މަޖިލީހުގެ ސަލާމަތީ ހިދުމަތްތަކާބެހޭ ކޮމިޓީ ގެ ބައްދަލުވުން ސިއްރު ކޮށްފި އެވެ.

ކޮމިޓީ ސިއްރު ކުރި ސަބަބެއް މަޖިލީހަކުން ނުބުނެއެވެ.

ރައްޔިތުންގެ މަޖިލީހުގެ އިދާރާއިން ބުނީ ސަލާމަތީ ހިދުމަތްތަކާބެހޭ ކޮމިޓީއަށް ޑިފެންސް މިނިސްޓަރު މާރިޔާ ހާޒިރު ކުރީ އެ ކޮމިޓީއަށް ހުށަހެޅިފައިވާ މައްސަލަތަކަކާ ގުޅިގެން ކަމަށެވެ.

ނަމަވެސް އެއީ ކޮން މައްސަލަތަކާގުޅިގެން ކަމެއް ވެސް މަޖިލިސް އިދާރާއިން ނުބުންޏެވެ.