ހއ. ފިއްލަދޫ "ބީއެމްއެމްއޭ އެކްސްޕްރެސް ބޯޓު"ގައި މަސައްކަތް ކުރާ ދިވެއްސަކާއި ދެ ބިދޭސީއަކު ކޮވިޑަށް ޕޮޒިޓިވްވެއްޖެއެވެ.

ހެލްތު އިމަޖެންސީ އޮޕަރޭޝަންސް ސެންޓަރު (އެޗްއީއޯސީ) އިން މިރޭ ބުނީ، ބީއެމްއެމްއޭ އެކްސްޕްރެސް ބޯޓުން ޕޮޒިޓިވްވި މީހުންނަކީ ސަވާރީ ބޯޓުން ކޮވިޑް 19އަށް ޕޮޒިޓިވްވި މީހުންނާ ކޮންޓެކްޓްވީ މީހުން ކަމަށެވެ.

ސަވާރީ ބޯޓުން އެންމެ ފުރަތަމަ ޕޮޒިޓިވްވީ އެ ބޯޓުގެ ކެޕްޓަނެވެ. އެއީ މިދިޔަ މަހުގެ 30 ވަނަ ދުވަހުއެވެ. އެ ކޭސްއާ ގުޅިގެން ކޮންޓެކްޓް ޓްރޭސިންގެ ތެރެއިން ފާހަގަކުރެވުނު މީހުންގެ ސާމްޕަލް ނަގައި އަންނަނީ ޓެސްޓް ކުރަމުންނެވެ.

އޭގެ ފަހުން އިތުރު ނުވަ މީހަކު ވަނީ ޕޮޒިޓިވްވެފައެވެ.