ރާއްޖެ ސަރަހައްދުން ގަވާއިދާހިލާފަށް މަސްވެރިކަން ކުރަމުންދިޔަ ބޭރުގެ ބޯޓެއް އަތުލައިގެންފިއެވެ.

އެމްއެންޑީއެފުން މިރޭ ބުނީ އެ ބޯޓު އަތުލައިގަނެ، އެމްއެންޑީއެފްގެ ބެލުމުގެ ދަށަށް ގެނެސްފައިވަނީ ކޯސްޓްގާޑުން ހިންގި ހާއްސަ އޮޕަރޭޝަނެއްގައި ކަމަށެވެ. އެ އޮޕަރޭޝަންގައި ހަރަކާތްތެރިވީ ކޯސްޓްގާޑް ޝިޕް އިމާދުއްދީންކަމަށް އެމްއެންޑީއެފުން ބުންޏެވެ.

އަތުލައިގަތް ބޯޓުގައި ހަތް މީހަކު ތިބިކަމަށް އެމްއެންޑީއެފުން ބުންޏެވެ.

އެމްއެންޑީއެފުން ހަތް މީހުންނާއެކު އެ ބޯޓު އެމްއެންޑީއެފްގެ ބެލުމުގެ ދަށަށް ގެނެސްފައި ވަނީ ހއ. ތުރާކުނުގެ ހުޅަނގުއުތުރުން 46 ނޯޓިކަލް މޭލު ބޭރުގައި ހަރަކާތްތެރިވަމުން ދަނިކޮށް މިއަދު 18:34 އެހާކަންހާއިރު ކަމަށެވެ.

އެ ބޯޓު ހދ. ކުޅުދުއްފުށްޓަށް ގެނެއުމުގެ މަސައްކަތް ކުރަމުންދާކަމަށް އެމްއެންޑީއެފުން ބުންޏެވެ.