ވާރޭ ވެހޭ ވަގުތުތަކުގައި ވިއްސާރަ ކޯޓުލުމަށް ނުވަތަ ފޯނު ނެގުމަށް ބުރިޖާއި ހައިވޭ މަތީ މަޑުނުކުރަން ފުލުހުން އިލްތިމާސްކޮށްފި އެެވެ.

ވާރޭ ވެހެމުންދިޔަ ވަގުތެެއްގައި ގިނަ އަދަދެއްގެ ބަޔަކު ވިއްސާރަ ކޯޓުލުމަށް ހައިވޭގައި މަޑުކޮށްގެން ތިބި ވީޑިއޯއެއް ހިއްސާކުރަމުން، ޓްރެފިކް ފުލުހުން ބުނީ، އެ ގޮތަށް މަޑުކުރުމުން ނުރައްކާތެރި އެތައް ހާދިސާތަކެއް ހިނގާފައިވާ ކަމަށެވެ.

އެހެންކަމުން، އެ ސަރަހައްދުގައި ހިނގާފާނެ ހާދިސާއަކުން ރައްކާވެތިބުމަށް، އެ ގޮތަށް މަޑުނުކުރުމަށް ފުލުހުން އިލްތިމާސްކުރެއެވެ.