މިދިޔަ އޭޕްރިލް މަހު ބޭއްވި އަންހެނުންގެ ކޮމިޓީތަކުގެ އިންތިހާބުގައި މާލޭގެ ޑަބްލިއުޑީސީގެ ރައީސާ ކަމަށް ޕީއެންސީގެ ފަރާތުން ވާދަކޮށް ނާކާމިޔާބުވި އާޝިޔަތު އަލައިކާ އަދުދާނަށް ޓޫރިޒަމް މިނިސްޓްރީގެ ސްޓޭޓް މިނިސްޓަރުކަން ދީފިއެވެ.

މިކަން ވަނީ ރައީސްގެ ޗީފް ގަވަރުމަންޓް ސްޕޯކްސް ޕާސަން ހުސައިން މުހައްމަދު ޝަރީފް (މުންދު) މިއަދު "ވަން" އަށް ކަޝަވަރުކޮށްދެެއްވައިފައެވެ.

ޕީއެންސީގެ ގޮނޑި ކާމިޔާބު ނުކުރެވުމުން އެކްސްގައި ހިއްސާކުރެއްވި ޕޯސްޓެއްގައި އަލައިކާ ބުނީ މި ދަތުރު ދޫކޮށްލަނީ އެއަށްވުރެ ފުން އަދި ދެމެހެއްޓެނިވި ކަމަކާއެކު، އެތައް ބައެއްގެ އިތުބާރާއި، ލޯތްބާއި، އެކުގައި ކަމަށެވެ.

"މިއީ އަޅުގަނޑު ވަރަށް އިހުލާސްތެރިކަމާއެކު ޝުކުރުވެރިކަމާއި މަޑުމައިތިރިކަމާއެކު، އެންމެ މަތީ ދަރަޖައިގެ ކާމިޔާބީއެއް. އަޅުގަނޑަށް ހީވަނީ އެއީ ވަރަށް ބޮޑު ކާމިޔާބީއެއް. މި ދަތުރަކީ ހަމައެކަނި ވަޒީފާއެއް ހޯދުމުގެ ދަތުރެއް ނޫނެވެ. އެއީ ސަބަބެކެވެ. އަބުރުވެރި ދިރިއުޅުމެއް ހޯދުމަށް މަސައްކަތްކޮށް، ހަމަހަމަ ފުރުސަތުތަކާއި، މާނަވީ ބައިވެރިވުމާއި، ހައްގު ހޯދުމަށް ވަކާލާތު ކުރާ ޢާއިލާތަކާ އެކު ތެދުވުމުގެ މަގުސަދު އެއީ އިގުތިސާދީ ބާރުވެރިކަމާއި މާލީ މިނިވަންކަން ޕްރޮމޯޓް ކުރުމުގެ ވާހަކައެވެ." އަލައިކާގެ ޕޯސްޓުގައި ވެއެވެ.

ސިޔާސީ ދަތުރުގައި އޭނާއަށް ކުރިމަތިވި މާޔޫސްކަމާއި ބައެއް ފަހަރު ހިޔާނާތްތެރިވުމުގެ ހިތާމަވެރި ވަގުތުތަކާ ކުރިމަތިލާން ޖެހުން ކަމަށާއި އޭނާގެ ނިޔަތް ނުވަތަ އަމަލުތަކުގެ ހަގީގަތް ނުފެންނަ ގޮތަށް ލޭބަލް ކޮށްފައި ހުންނަ ކަމަށްވެސް ޕޯސްޓުގައިވެއެވެ.

އެހެންނަމަވެސް، ކޮންމެ އިމްތިޙާހާނުތަކަކާއި ގޮންޖެހުމެއްގައިވެސް، އޭނާ އަބަދުވެސް ސާބިތުވެ، އަމިއްލަ ޒަމީރުގެ އަސާސްތަކުގައި ސާބިތުކަމާއި، އަހުލާގީ މިންގަނޑުތައް ދަމަހައްޓައި، އެ އުސޫލުތަކުގައި ސާބިތުވެ ދެމިތިބޭކަމަށެވެ.

މިއަދަކީ ނިމުމެއް ނޫން ކަމަށާއި އެއީ ހަމަހިމޭން ޓާނިން ޕޮއިންޓެކެވެ. މި ދަތުރު ކުރިއަށް ގެންދާނީ އާ ހިތްވަރަކާއި ހިތްވަރަކާއި އަމާނާތްތެރިކަމާ އެކުގައި ކަމަށްވެސް އެ ޕޯސްޓުގައިވެއެވެ.