ހދ. ކުޅުދުއްފުށީގައި ރުކަކުން ވެއްޓި ސީރިއަސް އަނިޔާތަކެއް ލިބިގެން ފަރުވާ ދެމުންދިޔަ ހދ. ނޭކުރެންދޫ ޒުވާނަކު މަރުވެއްޖެއެވެ.

އެ ހާދިސާގައި މަރުވެފައިވަނީ ހުސެއިން ޝިފާޒް (36އ) އެވެ. އޭނާ މަރުވީ އައިޖީއެމްއެޗްގެ ވެންޓިލޭޓަރުގައި ފަރުވާ ދެމުން ދަނިކޮށް މިއަދުގެ ވަގުތެއްގައެވެ

އެނގިފައިވާ ގޮތުގައި ޝިފާޒު ރުކަކުން ވެއްޓުނީ މީގެ ހަފުތާއެއްހާ ދުވަސް ކުރިން މަސައްކަތެއް ކުރުމަށްޓަކައި ކުޅުދުއްފުއްޓަށް ގޮސް އުޅުމުގެ ތެރޭގައެވެ. އޭނާ ރުކަށް އެރީ ރުއް ސާފުކުރުމުގެ މަސައްކަތަކަށެވެ.

ޝިފާޒަށް އެންމެ ފުރަތަމަ ފަރުވާ ދިނީ ކުޅުދުއްފުށީ ރީޖަނަލް ހޮސްޕިޓަލުގައެވެ. އިތުރު ފަރުވާއަށް މާލެ ގެނެސްފައިވަނީ މީގެ ތިން ދުވަސް ކުރިންނެވެ. މާލެ ގެނައި ފަހުންވެސް އޭނާ އޮތީ ހޭނާރާ ކަމަށް މައުލޫމާތު ލިބިފައިވެއެވެ.