ބޮލީވުޑްގެ މަޝްހޫރު އެކްޓަރު ސިދާންތު ޗަތުރުވެދީ ކޮރެއަން އެކްޓްރެސް ޗޭ ސޫ-ބިންއާއެކު ކްރޮކްސް ޖަޕާންގެ އިޝްތިހާރަކުން ފެނިއްޖެއެވެ. މިއީ ސިދާންތުގެ ފުރަތަމަ ކޮރެއަން މީޑިއާ ޑެބިއުއެވެ.
މި އިޝްތިހާރުގައި ދައްކާ ވާހަކައަކީ ވާރޭ ވެހޭ ދުވަހެއްގައި ސިދާންތު ދުއްވާ ކާރަކުން ޗޭ ސޫ-ބިންގެ ގަޔަށް ފެން ޖެހުމުން ދެމީހުން ބައްދަލުވާ ގޮތުގެ ވާހަކައެކެވެ.
މި އިޝްތިހާރާ ގުޅިގެން ފޭނުން ވަނީ ތަފާތު ގޮތްގޮތަށް ހިޔާލު ފާޅުކޮށްފައެވެ. ބައެއް މީހުނަށް މި އިޝްތިހާރު ކަމުގޮސްފައިވާ އިރު، އަނެއްބައި މީހުން ތިބީ އޮޅުން އަރައިފައެވެ. އެއް ފޭނަކު ޓްވީޓެއްގައި ލިޔެފައިވަނީ "ކޮރެއަން އެކްޓްރެސް ޗޭ ސޫބިން އިންޑިއަން އެކްޓަރު ސިދާންތު ޗަތުރުވެދީއާއެކު އިންޑިއާގައި ކްރޮކްސް ޖަޕާންގެ އިޝްތިހާރެއް ކުޅެފި... މިއީ ކޮން ކަހަލަ ކްރޮސްއޯވަރއެއްބާ!" މިހެންނެވެ.
އަނެއްބައި ފޭނުން ވަނީ ސިދާންތު މި އިޝްތިހާރުގައި ފެންނަ ގޮތާމެދު ކަންބޮޑުވުން ފާޅުކޮށްފައެވެ. އެއް ފޭނަކު ބުނެފައިވަނީ "ކޮރެއަން ޓީމުން މި އިޝްތިހާރަށް އޭނާ ވައިޓްވޮޝްކޮށްފި" ކަމަށެވެ.
މި އިޝްތިހާރަކީ ކޭޕޮޕްގެ ނުފޫޒުގެ ސަބަބުން ސްޓާޑަމް ގްލޯބަލައިޒްވަމުންދާ ގޮތުގެ ނިޝާނެއްގެ ގޮތުގައި ފާހަގަކުރެވިފައިވެއެވެ. ޓޮމް ކްރޫޒް ބީޓީއެސްގެ ޖިންއާއެކު ވަގުތު ހޭދަކުރުމާއި، ޖެކްސަން ވަންގް ދިލްޖިތު ދޮސަންޖުއާއެކު މަސައްކަތްކުރުން ފަދަ ކަންކަމަކީ މިކަމުގެ މިސާލުތަކެކެވެ.
ރައީސުލްޖުމްހޫރިއްޔާ ޑރ. މުހައްމަދު މުއިއްޒު 
ކްރިމިނަލް ކޯޓް 
އިގްތިސޯދު 
ކުށް