ޅ. ގާއެރިފަޅު ކައިރީގައި ރޭ މެންދަމު ހިނގި ޑިންގީ އެކްސިޑެންޓުގައި ސީރިއަސް އަނިޔާ ލިބުނު މިހާ އިތުރު ފަރުވާއަށް މާލެ ގެންނަން ނިންމައިފި އެވެ.

ޅ. އަތޮޅު ހޮސްޕިޓަލުގެ އޮފިޝަލަކު މިއަދު "ވަން" އަށް ވިދާޅުވީ، އޭނާ މިއަދު މެންދުރުގެ ވަގުތެއްގައި މާލެ ގެނައުމަށް ނިންމާފައިވާ ކަމަށެވެ.

ފުލުހުންގެ މީޑިއާ އޮފިޝަލަކު މިއަދު "ވަން" އަށް ވިދާޅުވި ގޮތުގައި ރޭގެ އެކްސިޑެންޓް ރިޕޯޓް ކުރީ ރޭ 12:33 އެހާކަންހާއިރެވެ.

އެ އެކްސިޑެންޓުގައި ޑިންގީގައި ތިބި ފަސް މީހުންނަށް އެކިވަރުގެ އަނިޔާ ލިބުނުއިރު އެކްސިޑެންޓުގައި ހިމެނޭ ޑިންގީ ވަނީ ބޭނުން ނުކުރެވޭ ވަރަށް ހަލާކުވެފައެވެ.