އޭނާގެ ފިލްމުތަކުގައި އަމިއްލައަށް ސްޓަންޓް ކުރުން ހުއްޓައި ނުލާނެ ކަމަށް މަޝްހޫރު އެކްޝަން ތަރި ޖެކީ ޗޭން ބުނެފިއެވެ. 71 އަހަރުގެ މި ތަރި ވަނީ "ދަ ކަރާޓޭ ކިޑް: ލެޖެންޑްސް" ގައި އަލުން މިސްޓަރ ހާންގެ ރޯލު ކުޅެން ފަށައިފައެވެ.

ޖެކީ ޗޭން ބުނާ ގޮތުގައި އަމިއްލައަށް ސްޓަންޓް ކުރުމަކީ އޭނާގެ އަމިއްލަވަންތަ ކަމެކެވެ. 64 އަހަރު ވާންދެން ސްޓަންޓް ކުރުމުން އެއީ އޭނާގެ ހަށިގަނޑުގެ ބައެއް ކަމުގައި އިހުސާސް ވާ ކަމަށް އޭނާ ވަނީ ބުނެފައެވެ.

ޓެކްނޮލޮޖީގެ ސަބަބުން ސްޓަންޓް ކުރުމަށް ފަސޭހަވެފައިވާ ކަމަށް ޖެކީ ޗޭން ބުނެފައިވެއެވެ. ނަމަވެސް ޓެކްނޮލޮޖީގެ ސަބަބުން ސްޓަންޓްތަކުގެ ހަގީގަތް ގެއްލޭ ކަމަށްވެސް ބުނެފައިވެއެވެ. އޭނާ ފަދައިން އެހެން މީހުން ނުރައްކާތެރި ސްޓަންޓްތައް ހަދަން ހިތްވަރު ނުދޭ ކަމަށްވެސް ޖެކީ ޗޭން ބުނެފައިވެއެވެ.

"ދަ ކަރާޓޭ ކިޑް: ލެޖެންޑްސް" ސިނަމާތަކުގައި ދައްކަން ފަށާނީ 30 މެއި ގައެވެ. މިއީ 15 އަހަރު ފަހުން އަލުން "ކަރާޓޭ ކިޑް" ފްރެންޗައިޒްގައި ޖެކީ ޗޭން ބައިވެރިވާ ފިލްމެވެ.