ރަންވީރް ސިންގް ލީޑްކުރާ "ޑޮން 3" ފިލްމުގެ ބަތަލާއަކަށް ޝަރްވަރީ ހަމަޖައްސައިފިއެވެ. މިއީ ކުރިން މި ރޯލު އަދާކުރުމަށް ހަމަޖެހިފައިވާ ކިއާރާ އަދްވާނީ ބަލިވެ އިނުމާ ގުޅިގެން، އޭނާ ފިލްމުން ވަކިވުމުން އައި ބަދަލެކެވެ.

އިންޑަސްޓްރީގެ މައުލޫމާތު ދޭ ފަރާތްތަކުން ބުނާ ގޮތުގައި، މި ރޯލަށް ދެ އެކްޓްރެސްއެއްގެ ނަން ހުށަހެޅިފައިވީ ނަމަވެސް، އެކްސެލް އެންޓަޓެއިންމަންޓުން ޝަރްވަރީ ހޮވާފައިވަނީ އޭނާގެ ހުނަރުވެރިކަމަށް ބަލައިގެންނެވެ. ޝަރްވަރީ އަކީ ވައިއެފްއާރް ސްޕައި ޔުނިވާސްގެ "އަލްފާ" ފިލްމުގައިވެސް ބައިވެރިވާ ތަރިއެކެވެ.

ޝަރުވަރީ އަދި ކިއާރަ ---

"ޑޮން 3"ގެ ޝޫޓިން ފެށުމަށް ހަމަޖެހިފައިވަނީ މި އަހަރުގެ ފަހުކޮޅުގައެވެ. އެއީ ރަންވީރް ސިންގް އަދި އަދިތިޔާ ދަރްގެ "ދުރަންދަރް" ފިލްމުގެ ޝޫޓިން ނިމުމަށްފަހުއެވެ. އަދި ޝަރްވަރީ "އަލްފާ" ފިލްމުގެ ޕްރޮމޯޝަންތައް ވެސް ނިންމުމަށްފަހުއެވެ.

މި ފިލްމަކީ ކުރިން ޝާހުރުކް ޚާން އަދި ޕްރިޔަންކާ ޗޯޕްރާ ބައިވެރިވި "ޑޮން" ފްރެންޗައިޒްގެ ތިންވަނަ ބައެވެ. ފުރަތަމަ ދެ ބައި ރިލީޒްކުރީ 2006 އަދި 2011 ގައެވެ. އަދި ވިކްރާންތް މަސީ މި ފިލްމުގެ އެންޓަގޮނިސްޓްގެ ރޯލް ކުޅުމަށް ހަމަޖެހިފައިވާކަމަށް ރިޕޯޓުތަކުގައި ބުނެއެވެ.