އިޒްރޭލުން ލުބުނާނުގެ ހޮސްޕިޓަލަކަށް ހަމަލާދީ 18 މީހުން ޝަހީދުކޮށްލައިފިއެވެ.

އިޒްރޭލުގެ ސިފައިން ލުބުނާނުގެ ބޭރޫތުގައި ހުންނަ އެންމެ ބޮޑު ޕަބްލިކް ހޮސްޕިޓަލަށް ދިން ހަމަލާގައި 18 މީހުން ޝަހީދުކޮށްލާފައި ވާއިރު އޭގެތެރޭގައި ހަތަރު ކުޑަކުދިން ހިމެނޭ ކަމަށް އޮފިޝަލުން ބުނެއެވެ.

އިޒްރޭލުން ރަފީކް ހަރީރީ ހޮސްޕިޓަލަށް ދިން އެހަމަލާގައި 60 މީހުންނަށް އެކިވަރުގެ އަނިޔާވެފައިވެއެވެ.

އިޒްރޭލުން ލުބުނާނުގެ ހޮސްޕިޓަލަކަށް ހަމަލާ ދީފައިވާ އިރު، ލުބުނާނުގެ ހެލްތް މިނިސްޓްރީ އިން ވަނީ މިދިޔަ ބުދަ ދުވަހު އެގައުމަށް އިޒްރޭލުން ދިން ހަމަލާތަކުގައި 63 މީހުން ޝަހީދުވެ 234 މީހުން ޒަހަމްވެފައިވާ ކަމަށް ބުނެފައެވެ.