ދިވެހި ލަވަކިޔުމުގެ ދުނިޔޭގައި ވިދާލި ގދ. ތިނަދޫ/ސްޓާލިން, މަރިޔަމް އަހްމަދު ދީދީ، އުމުރުން 73 އަހަރުގައި މިރޭ މަރުވެއްޖެއެވެ.

އުފަންވިއިރުވެސް ލޯފަން މަރިޔަމް ދީދީގެ އެންމެ ފާހަގަކޮށްލެވޭ ދެ ލަވައަކީ އުފަން ރަށް ތިނަދޫގެ ރީތިކަން ސިފަކޮށްދިން، "ފެން މީރުވި ރީތި ރަށޭ މީ" ލަވައާއި "ލޯފަން ކުއްޖެއްގެ ހިތުގެ ސާބިތުކަން" އެވެ.

ފެނުމުގެ ހިއްސުން މަހްރޫމުވެފައިވާ މަރްޔަމް ދީދީއަށް 1982 ވަނަ އަހަރުގައި ސަރުކާރުން ވަނީ ދިވެހި ލަވަކިޔުމުގެ ރޮނގުން އާންމު ހިދުމަތުގެ އިނާމު ވެސް އަރުވައިފައެވެ.