ރާއްޖެއިން ބައެއް ގައުމުތަކަށް ކަނޑައަޅާ ނޮން-ރެސިޑެންޓް ސަފީރުންނަށް، ރުހުން ހޯއްދެވުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު މަޖިލީހަށް ފޮނުއްވި ބައެއް ބޭފުޅުންނަށް މަޖިލީހުން ރުހުންދީފިއެވެ.

ސާދަ ގައުމަކަށް ނޮން-ރެސިޑެންޓް ސަފީރުން ކަނޑައެޅުމަށް ރައީސުލްޖުމްހޫރިއްޔާ ރައްޔިތުންގެ މަޖިލީހަަށް ހަތް ބޭފުޅެއްގެ ނަން ފޮނުއްވިއެވެ.

  • ސްރީލަންކާއަށް ކަނޑައަޅުއްވާފައި ހުންނަވާ ސަފީރު އަލީ ފާއިޒް، ސީޝެލްސް، މޮރިޝަސް، ގަތަރު، ސައުތު އެފްރިކާ އަދި ނިއުޒިލޭންޑަށް ކަނޑައަޅާ ނޮން-ރެސިޑެންޓް ސަފީރުކަމަށް
  • އެމެރިކާއަށް ކަނޑައަޅުއްވާފައި ހުންނަނަވާ ސަފީރު އަބްދުލްއަފޫރު މުހައްމަދު، ކެނެޑާއަށް ކަނޑައަޅާ ނޮން ރެސިޑެންޓް ސަފީރުކަމަށް
  • ޔޫއޭއީއަށް ކަނޑައަޅުއްވާފައި ހުންނަވާ ސަފީރު އާމިނަތު ޝަބީނާ އިތިއޯޕިއާ އަދި ކެންޔާއަށް ކަނޑައަޅާ ނޮން ރެސިޑެންޓް ސަފީރުކަމަށް
  • ޖާމަނީއަށް ކަނޑައަޅުއްވާފައި ހުންނަވާ ސަފީރު އާއިޝަތު ޝާން ޝާކިރު، ސާރބިއާއަށް ކަނޑައަޅާ ނޮން ރެސިޑެންޓް ސަފީރުކަމަށް
  • ސިންގަޕޫރަށް ކަނޑައަޅުއްވާފައި ހުންނަވާ ސަފީރު އަހްމަދު ތަސްމީން އަލީ، އިންޑޮނީޝިއާ، އޮސްޓްރޭލިއާ އަދި ފިލިޕީންސްއަށް ކަނޑައަޅާ ނޮން ރެސިޑެންޓް ސަފީރުކަމަށް
  • މެލޭޝިއާއަށް ކަނޑައަޅުއްވާފައި ހުންނަވާ ސަފީރު އަލީ ހުސައިންދީދީ ބުރޫނާއީއަށް ކަނޑައަޅާ ނޮން-ރެސިޑެންޓް ސަފީރުކަމަށް
  • އިންޑިއާއަށް ކަނޑައަޅުއްވާފައި ހުންނަވާ ސަފީރު އިބްރާހީމް ޝަހީބް ކަޒަކްސްތާނަށް ކަނޑައަޅާ ނޮން ރެސިޑެންޓް ސަފީރުކަމަށް

މި ބޭފުޅުންގެ ނަންތައް ދިރާސާ ކުރި، ރައްޔިތުންގެ މަޖިލީހުގެ ހާރިޖީ ގުޅުންތަކުގެ ކޮމިޓީން މަޖިލީހުގެ ތަޅުމަށް ފޮނުވި ރިޕޯޓުގައި ވަނީ، މި ހުރިހާ ބޭފުޅުނަށް މަޖިލީހުން ރުހުން ދޭން ފެންނަ ކަމަށް ކޮމިޓީން ފާސްކޮށްފައިވާ ކަމަށެވެ.

ނަމަވެސް މި ބޭފުޅުނަށް މަޖިލީހުގެ ރުހުންއޮތްތޯ ބެލުމަށް އިއްޔެގެ ޖަލްސާގައި ވޯޓު ނަގަމުން ގޮސް ވަކި ހިސާބަކުން ވޯޓް ސިސްޓަމަށް މައްސަލައެއް ދިމާވިއެވެ. އޭރު ވޯޓު ނަގަމުން ގެންދިޔައީ، ޔޫއޭއީއަށް ކަނޑައަޅުއްވާފައި ހުންނަވާ ދިވެހި ސަފީރު އާމިނަތު ޝަބީނާ އިތިއޯޕިއާ އަދި ކެންޔާއަށް ކަނޑައަޅާ ނޮން ރެސިޑެންޓް ސަފީރުކަމަށް އައްޔަންކުރަން ފެނޭތޯއެވެ.

އެ ހިސާބުން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވީ މަޖިިސް ޖަލްސާގައި 56 މެންބަރުން ހާޒިރުވެވަޑައިގެން ތިއްބެވި އިރު، ވޯޓު ދެއްވާ ކަމަށް ސިސްޓަމުން ދައްކަނީ 52 މެންބަރުން ކަމަށެވެ. އެހެންވެ ކުޑަ ވަގުތު ކޮޅަކަށް ވޯޓަށް އެއްސެވުން މަޑުޖައްސާލެއްވުމަށްފަހު މަޖިލިސް ރައީސް ވަނީ އޭރު ވޯޓަށް އެހިފައިވާ ޝަބީނާގެ ނަމަށް ވޯޓަށް އެހުން ފަސް ނުކުރައްވައި، އެ ނަމަށް ރޯލްކޯލް ވޯޓަކަށް އައްސަވައިފައެވެ.

އެގޮތުން ޝަބީނާގެ ނަމަށް ވޯޓަށް އެއްސެވުމަށްފަހު ދެން ތިއްބެވި ބޭފުޅުންގެ ނަމަށް ވޯޓަށް ނާއްސަވައި މަޖިލިސް ރައީސް ރައްޔިތުންގެ މަޖިލީހުގެ ޖަލްސާ ނިންމަވައިލެއްވިއެވެ.

  • ސްރީލަންކާއަށް ކަނޑައަޅުއްވާފައި ހުންނަވާ ސަފީރު އަލީ ފާއިޒް، ސީޝެލްސް، މޮރިޝަސް، ގަތަރު، ސައުތު އެފްރިކާ އަދި ނިއުޒިލޭންޑަށް ކަނޑައަޅާ ނޮން-ރެސިޑެންޓް ސަފީރުކަމަށް
  • އެމެރިކާއަށް ކަނޑައަޅުއްވާފައި ހުންނަނަވާ ސަފީރު އަބްދުލްއަފޫރު މުހައްމަދު، ކެނެޑާއަށް ކަނޑައަޅާ ނޮން ރެސިޑެންޓް ސަފީރުކަމަށް
  • ޔޫއޭއީއަށް ކަނޑައަޅުއްވާފައި ހުންނަވާ ސަފީރު އާމިނަތު ޝަބީނާ އިތިއޯޕިއާ އަދި ކެންޔާއަށް ކަނޑައަޅާ ނޮން ރެސިޑެންޓް ސަފީރުކަމަށް