"އިހުލާސްތެރި ޕާޓީ މޯލްޑިވްސް"ގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދަ އިލެކްޝަންސް ކޮމިޝަން (އީސީ) އިން ދީފިއެވެ.

އެޕާޓީ އުފެއްދުމުގެ ހުއްދަ ދީފައި ވަނީ މ. ކެލަން/ މުހައްމަދު އިސްމާއީލް އަށެވެ.

އޭނާއަކީ "ކަރިޝްމާ ޕާޓީ މޯލްޑިވްސް" ގެ ނަމުގައި ސިޔާސީ ޕާޓީއެއް އުފެއްދުމުގެ ހުއްދައަށް މީގެ ކުރިން ހުށަހެޅި ފަރާތެވެ.

ނަމަވެސް ފޯމާއެކު އެ ފަރާތުން ހުށަހަޅާފައިވާ ލިޔެކިޔުން ފުރިހަމަ ނުވާތީ އާއި އެ ފަރާތުން ހުށަހަޅާފައިވާ ނަމަކީ، ސިޔާސީ ޕާޓީއަކަށް ކިޔަން އެކަށީގެންވާ ނަމެއް ނޫން ކަމަށް ބުނެ އީސީން އެޕާޓީ އުފެއްދުމުގެ ހުއްދައެއް ނުދިނެވެ.