ވަޒީފާއާބެހޭ ޓްރައިބިއުނަލްގެ މެންބަރު އަދި ގާނޫނީ ވަކީލު ފާތިމަތު ސައުސަން ނިޔާވެއްޖެއެވެ.

ވަޒީފާއާބެހޭ ޓްރައިބިއުނަލްގެ ރައީސް އަމްޖަދު މުސްތަފާ މިއަދު "ވަން" އަށް ވިދަޅުވީ އެ ޓްރައިބިއުނަލްގެ މެންބަރު ސައުސަނަކީ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒަންގައި މަސައްކަތްކުރައްވާ މެންބަރެއް ކަމަށާއި، އޭނާ ނިޔާވިކަމުގެ މައުލުމާތު ލިބިވަޑައިގަތީ މިއަދު ހެނދުނު ކަމަށެވެ.

ސައުސަން ނިޔާވީ ބޭސްފަރުވާއަކަށް އިންޑިއާއަށް ވަޑައިގެން އުޅުއްވަނިކޮށް ކަމަށްވެސް އަމްޖަދު ވިދާޅުވިއެވެ. ނަމަވެސް އިތުރު ތަފްސީލެއް ނުދެއްވައެވެ.

ޓްރައިބިއުނަލްގެ އިންޑަސްޓްރިއަލް ޑިސްޕިއުޓް ރިޒޮލިއުޝަން ޑިވިޒަނަށް ހާއްސަކޮށް ވަޒީފާއާބެހޭ ޓްރައިބިއުނަލުގެ މެންބަރުކަމުގެ މަގާމަށް ސައުސަން އައްޔަންކުރެއްވީ 2024 ވަނަ އަހަރުގެ އޮކްޓޫބަރު މަހުގެ ދެވަނަ ދުވަހުއެވެ.