ޕީއެންއެފްގެ ސިޔާސީ ހަރަކާތްތައް ފުޅާކުރުމުގެ ގޮތުން، ކުރީގެ ރައީސް އަބްދުﷲ ޔާމީން އަބްދުލްގައްޔޫމް މިރޭ އައްޑޫ ސިޓީއަށް ވަޑައިގެންފިއެވެ.

ޕީއެންއެފްގެ އިސް ލީޑަޝިޕްގެ މީހުންނާއެކު ޔާމީން އައްޑުއަށް ފައިބައިވަޑައިގަތުމުން، އެ މަނިކުފާނަށް ސަޕޯޓަރުންގެ ފަރާތުން ވަނީ ހޫނު މަރުހަބާއެއް ކިޔައިފައެވެ.

ޕީއެންއެފުން މިރޭ ބުނީ ދަތުރުގައި މައިގަނޑު ގޮތެއްގައި ހަމަޖެހިފައިވަނީ އައްޑޫގެ އެކި އަވަށްތަކުގައި ދިރިއުޅޭ ރައްޔިތުންނާ ބައްދަލުކުރެއްވުމަށް ބާއްވާ ޓައުން ހޯލް ޖަލްސާތައް ކަމަށެވެ. މީގެ އިތުރުން، އެ ސިޓީގެ އެކި ސަރަހައްދުތަކުގައި ޕީއެންއެފްގެ އޮފީސްތައް ރަސްމީކޮށް ހުޅުވުމަށްވެސް ވަނީ ހަމަޖެހިފައި ކަމަށް ޕީއެންއެފުން ބުންޏެވެ.

ޔާމީން ވަނީ މީގެކުރިން ފުވައްމުލަކު ސިޓީ އަދި އައްޑޫ ސިޓީއަށް ވަޑައިގެން ބައްދަލުވުންތައް ބާއްވައިފައެވެ.