ކަސްޓަމަރުންނަށް ހާއްސަ ޑިސްކައުންޓްތަކެއް ލިބޭ ޕްރޮމޯޝަނެއް އެމްޑަބްލިޔުއެސްސީން ފަށައިފިއެވެ.

އެމްޑަބްލިޔުއެސްސީން މިއަދު ނެރުނު ބަޔާނެއްގައި ބުނި ގޮތުގައި، މިއީ އެމްޑަބްލިޔުއެސްސީގެ ޝޯރޫމަށް 10 އަހަރު ފުރުމުގެ މުނާސަބަތުގައި ފެށި ޕްރޮމޯޝަނެކެވެ.

މި ޕްރޮމޯޝަން ކުރިއަށްދާނީ އިއްޔެއިން ފެށިގެން އަންނަ ނޮވެމްބަރު މަހުގެ 29 ގެ ނިޔަލަށެވެ. މި މުއްދަތުގެ ތެރޭގައި ޝޯރޫމުން ވިޔަފާރިކުރާ ހުރިހާ ފަރާތްތަކަށް ވެސް ހާއްސަ އަގުތަކެއްގައި ތަކެތި ލިބޭނެ ކަމަށް އެމްޑަބްލިޔުއެސްސީން ބުނެއެވެ. މި ޕްރޮމޯޝަންގެ ދަށުން ބޮޑެތި ޑިސްކައުންޓްތަކެއް ލިބޭ ޕްރޮޑަކްޓްތަކާއި ހިދުމަތްތަކުގެ ތެރޭގައި އެކި ވައްތަރުގެ ފެންމީޓަރާއި، ޕަންޕު އަދި ފެން ތަހުލީލުކުރަން ބޭނުންކުރާ ތަފާތު އާލާތްތައް ހިމެނެއެވެ.

އެމްޑަބްލިޔުއެސްސީ ޝޯރޫމަށް 10 އަހަރު ފުރުން ފާހަގަކުރުން -- ފޮޓޯ/ އެމްޑަބްލިޔުއެސްސީ

އެމްޑަބްލިޔުއެސްސީގެ ޝޯރޫމަކީ ފެނާއި ނަރުދަމާގެ އެކި މަސައްކަތްތަކަށް ބޭނުންވާ ޕްރޮޑަކްޓްތަކާއި ސްޕެއާ ޕާޓްސްގެ އިތުރުން، ފެން ތަހުލީލުކުރުން ފަދަ ހިދުމަތްތައް ކަސްޓަމަރުންނަށް ފޯރުކޮށްދިނުމަށް 2016 ވަނަ އަހަރު ހުޅުވި ހާއްސަ ޓްރޭޑް ސެންޓަރެކެވެ.

މި ޕްރޮމޯޝަނާ ގުޅޭ އިތުރު މައުލޫމާތު ހޯދުމަށް އެ ކުންފުނީގެ ސޭލްސް ހޮޓްލައިން 7960022 އަށް ގުޅުމަށް ނުވަތަ ޝޯރޫމަށް ޒިޔާރަތްކުރުމަށް އެމްޑަބްލިޔުއެސްސީން އެދެއެވެ. އަދި އީމެއިލް މެދުވެރިކޮށް [email protected] އިން ވެސް މައުލޫމާތު ސާފުކުރެވޭނެ ކަމަށް އެ ކުންފުނިން ވަނީ ބުނެފައެވެ.