ހުޅުމާލެ އޮނުގަސް މަގުގައި ހުންނަ މޯލްޑިވްސް ކަރެކްޝަނަލް ސާވިސްގެ ޖަލަށް ވަތް މީހަކު 26،600 ރުފިޔާއިން ޖޫރިމަނާކުރަން ކުރިމިނަލް ކޯޓުން ހުކުމް ކޮށްފިއެވެ.

މި މައްސަލައިގައި ކޯޓުން ހުކުމް ކުރީ، ހުޅުމާލެ ފްލެޓް ނަމްބަރު 40-1-123 އާޒިމް މުހައްމަދު ގެ މައްޗަށެވެ.

ދައުލަތުން އޭނާގެ މައްްޗަށް ކުރީ އެނގިހުރެ ހުއްދަނޫން ތަނަކަށް ވަނުމުގެ ދައުވާއެވެ.

އޭނާގެ މައްޗަށް އެ ދައުވާ ކުރީ، މިދިޔަ ޖޫން މަހުގެ 20 ވަނަ ދުވަހުގެރޭ ހުޅުމާލެ ޖަލަށް ހުއްދަނެތި ވަދެފައިވާތީ އެވެ.

މި ދައުވާއަށް އޭނާ ވަނީ އިއުތިރާފު ވެފައެވެ.

މި މައްސަލައިގެ ތަހުގީގުގައި 11 ދުވަސް އޭނާ ބަންދުގައި ހޭދަކޮށްފައިވުމާއި، ދައުވާއަށް އިއުތިރާފުވެފައި ވާތީ، އޭނާގެ މައްޗަށް ކުރިމިނަލް ކޯޓުން ކަނޑައެޅީ، ހަތަރު މަހާއި 13 ދުވަހުގެ މުއްދަތަށް ޖަަލަށްލުމުގެ އަދަބެކެވެ.

ނަަމަވެސް އެ އަދަބު ކަނޑައެޅުމަށްފަހު ޖަލު އަދަބުގެ ބަދަލުގައި އާޒިމް ތަންފީޒު ކުރަން ޖެހޭ އަދަބަކީ 26،600 ރުފިޔާއިން ޖޫރިމަނާ ކުރުމުގެ އަދަބެއް ކަމަށް ކަނޑައަޅައި، މިފައިސާ ހަ މަސްދުވަހުގެ ތެރޭގައި މޯލްޑިވްސް އިންލެންޑް ރެވެނިއު އޮތޯރިޓީއަށް ދައްކަން އާޒިމަށް އަންގައި ހުކުމް ކުރީއެވެ.