ކޫރިއާ މެދުވެރިކޮށް ރާއްޖެއަށް އެތެރެކުރަން މަސައްކަތްކުރި ގިނަ އަދަދެއްގެ މަސްތުވާތަކެތި މޯލްޑިވްސް ކަސްޓަމްސް ސާވިސްއިން އަތުލައިގެންފިއެވެ.

ކަސްޓަމްސްއިން މިރޭ ބުނީ، މި އޮޕަރޭޝަންގައި އަތުލައިގެންފައިވަނީ 11.75 ކިލޯގެ ކެނަބިސް ކަމަށެވެ. މި ތަކެތި އަތުލައިގަތީ ރާއްޖެ ގެނެސްފައިވާ ދެ ޕެކޭޖެއް ބަލައިފާސްކުރުމުގެ ތެރޭގައި، މަސްތުވާތަކެތި ފޮރުވާފައި ހުރިކަމަށް ޝައްކުކުރެވިގެން ކުރިއަށްގެންދިޔަ ހާއްސަ ޗެކްކުރުންތަކަށް ފަހުގައިކަމަށް ކަސްޓަމުން ބުންޏެވެ.

ފުރަތަމަ މަރުހަލާގެ ތަހުލީލުތަކުން މި ތަކެތި ކެނަބިސްއަށް ޕޮޒިޓިވްވެފައިވާއިރު، މި މައްސަލަ އިތުރަށް ތަހުގީގު ކުރުމަށްޓަކައި އަތުލައިގަނެވުނު މަސްތުވާތަކެތި މިހާރު ވަނީ ފުލުހުންނާ ހަވާލުކޮށްފައިކަމަށް ކަސްޓަމުން ބުންޏެވެ.