ރާއްޖޭގައި ބާއްވާ އެންމެ އުފާވެރި އިޖުތިމާއީ ހަރަކާތް ކަމަށްވާ 'އޫރީދޫ ފަން ރަން' 2026 މި ފަހަރު އޮންނަނީ ޑިސެމްބަރު 11 ކަމަށް އެކުންފުނިން ބުނެފިއެވެ.

އުރީދޫ ފަން ރަން އަކީ ރައްޔިތުންގެ ދުޅަހެޔޮކަމާއި އާއިލީ އުފަލާއި މަޖާ ހަރަކާތްތަކާއެކު އެތައް ހާސް ބަޔަކު އިންތިޒާރު އެންމެ ބޮޑު އެއް ކޮމިއުނިޓީ ފިޓްނަސް އިވެންޓެވެ.

އުރީދޫ ހެޑް އޮފީހުގައި މިއަދު ކުރިޔަށް ގެންދިޔަ ނޫސްވެރިންގެ ބައްދަލުވުމުގައި އެކުންފުނިން ބުނީ އޫރީދޫ ފަން ރަން މި އަހަރުވެސް ކުރިޔަށްގެންދަން ނިންމާފައި ވަނީ ހުޅުމާލޭގައެެވެ.

ފަންރަންގައި ބައިވެރިވުމަށް ވަރަށް އަވަހަށް ފުރުސަތު ހުޅުވާލާނެ ކަމަށް އެކުންފުނިން ބުންޏެވެ.

މިދިޔަ އަހަރު ބޭއްވި ފަންރަން ހަވީރުގައި 7،000 އަށްވުރެ ގިނަ ބައިވެރިން ބައިވެރިވިއެވެ.