މަސްތުވާތަކެތީގެ ބާވަތެއް ކަމަށްވާ ޑައިމޯފިން ޓްރެފިކް ކުރުމުގެ ކުށް ސާބިތުވެ މީހަކު 12 އަހަރާއި ހަމަސް ދުވަހަށް ޖަލަށްލުމަށް އަދި 50،000 ރުފިޔާއިން ޖޫރިމަނާކުރުމަށް ކުރިމިނަލް ކޯޓުން މިދިޔަ އަންގާރަ ހުކުމްކޮށްފިއެވެ.

ޑައިމޯފިން ޓްރެފިކްކުރިކަމުގެ ކުށް ސާބިތުވުމުގެ ސަބަބަން އެ ހުކުމް އިއްވާފައިވަނީ އައްޑޫ ސިޓީ، ފޭދޫ، ޝީރާޒީގެ އަލީ ސައީމް (32އ) މައްޗަށެވެ.

މަސްތުވާތަކެތި ގެންގުޅުމާއި އޭގެ ވިޔަފާރިކުރާކަމުގެ ތުހުމަތުގައި ސާއިމް ހައްޔަރުކޮށްފައިވަނީ 2024 އޮގަސްޓް 19 ވަނަ ދުވަހުގައެވެ.