ކުރިއަށް މި އޮތް ދުވަސް ވަރަކީ މި އަހަރު ތެރޭގައި ރާއްޖެއަށް އެންމެ ހޫނު ގަދަވާނެ ދުވަސްވަރު ކަމަށް މޫސުމާބެހޭ ގައުމީ އިދާރާ އިން ބުނެފިއެވެ.

މިއަދު އެ އިދާރާއިން ބުނީ، މި ހިނގާ މާޗް މަހާއި ކުރިއަށް އޮތް އެޕްރީލް މަހަކީ ރާއްޖޭގެ ހޫނުމިން އެއްމެ މައްޗަށް ދާނެ ދުވަސްވަރު ކަމަށެވެ.

މި ދުވަސްވަރު ވިލާ މަދުވެފައި ވައިމަޑުވެ އަދި ވައިގެ ތެތްކަމުގެ ނިސްބަތް މަތީގައި ހިފަހައްޓާނެ ކަމަށާއި ދުވާލުގެ ހޫނުމިން މަތިވެގެންދާ މިންވަރާއި ރޭގަނޑުގެ ފިނިކަން ދަށްވެގެންދާ މިންވަރުގެ ފަރަގު ކުޑަވެގެންދާނެ ކަމަށްވެސް ބުނެފައިވެއެވެ.

އެހެންކަމުން އާންމު ވައިގެ ހޫނުމިނަށްވުރެ އިހްސާސްކުރެވޭ ހޫނުމިން މަތިވާނެ ކަމަށްވެސް ބުނެފައިވެއެވެ.

އެހެންކަމުން މެޓުން ބުނީ ދުވަހުގެ ހޫނުމިން އާއްމު ގޮތެއްގައި އެންމެ މައްޗަށްދާނީ މެންދުރުފަހު 14:00 ހާއިރު ކަމަށެވެ.