ބޮޑުތަކުރުފާނު މަގު ތަރައްގީކުރުމުގެ މަސައްކަތަށް ހުސްކޮށްފައިވާ ނޯތު ހާބަރު ސަރަހައްދު ކަނޑު އުޅަނދު ފަހަރަށް ހުޅުވާލައިފިއެވެ.

އެމްޕީއެލްއިން މިރޭ މީޑިއާތަކަށް ބުނީ އެ ސަރަހައްދު ކަނޑު އުޅަނދު ފަހަރަށް ހުޅުވާލާނީ މިރޭ 11:30 އިން ފެށިގެން ކަމަށެވެ.

އެ ސަރަހައްދުގައި ބަނދަރުކުރެވޭނީ މާލޭ ނޯތު ހާބަރުގައި އަމަލުކުރާ އުސޫލުތަކާއި ގަވާއިދުތަކަށް ފެތޭ އުޅަނދުފަހަރަށް އެކަނި ކަމަށް އެމްޕީއެލުން ބުންޏެވެ.

ބޮޑުތަކުރުފާނު މަގު ފުޅާކޮށް، އެ މަގުގައި ތާރު އަޅައި، މަގު ތަރައްގީކުރުމުގެ މަސައްކަތަށް، ނޯތު ހާބަރު ސަރަހައްދުގައި އަޅާފައި ހުރި އުޅަނދުތައް ހުސްކޮށްފައިވަނީ މީގެ މަހެއް ކުރިންނެވެ.