ޕްރަބާސް ކުޅޭ ފިލްމު 'ސްޕިރިޓް' ގައި، ރަންބީރު ކަޕޫރު ކެމިއޯ ރޯލެއްގައި ފެނިދާނެ ކަމަށް ރިޕޯޓްތަކުން ބުނެފިއެވެ. ފިލްމުގެ ވަރަށް މުހިންމު ހިސާބެއްގައި ރަންބީރު ކަޕޫރު ފެނިގެންދާނެ ކަމަށާއި، އެއީ ފިލްމުގެ ވާހަކަ ކިޔައިދިނުމުގައި މުހިންމު ވަގުތެއް ކަމަށް ބައެއް ހަބަރުތައް ބުނެއެވެ.

މި ރިޕޯޓް ތެދުނަމަ، މިއީ ޕްރަބާސް އާއި ރަންބީރު އެއް ފިލްމަކުން އެކުގައި ފެނިގެންދާ ފުރަތަމަ ފަހަރަށް ވާތީ، މިއީ އިންޑިއާގެ ސިނަމާއަށް ވަރަށް މުހިންމު ވަގުތުކޮޅަކަށް ވާނެއެވެ. 'ވައި.ޖޭ.އެޗް.ޑީ' އަދި 'ސާހޯ' ފިލްމުތަކުގެ ތަރީން، ސަންދީޕް ރެޑީ ވަންގާގެ ބެލުމުގެ ދަށުން އެކުގައި މަސައްކަތް ކުރުމާއެކު، ގިނަ ބަޔަކު ބުނަނީ ޑައިރެކްޓަރު އެހެން ފިލްމުތަކާ ގުޅުން ހުރި ސިނަމެޓިކް ޔުނިވާސްއެއް ތަރައްގީ ކުރަމުން އަންނަ ކަމަށެވެ.

'ސްޕިރިޓް' ގައި ރެބެލް ސްޓާރ ޕްރަބާސް ފެނިގެންދާނީ ހޫނު މިޒާޖުގެ އައި.ޕީ.އެސް އޮފިސަރެއްގެ ރޯލުންނެވެ. އަންހެން ލީޑް ރޯލުން ފެންނާނީ ތްރިޕްތީ ދިމްރީ އެވެ. މި ދެ ތަރީންގެ އިތުރުން، ވިވެކް އޮބެރޯއި އާއި ޕްރަކާޝް ރާޖުވެސް މުހިންމު ރޯލުތަކުން ފެނިގެންދާނެއެވެ.

'ސްޕިރިޓް' ސިނަމާތަކަށް ނެރެން ހަމަޖައްސާފައި ވަނީ އަންނަ އަހަރުއެވެ.