ފްލައިޓެއް ވެއްޓުމުގެ ސަބަބުން ލަންޑަންގެ އެއާޕޯޓެއް ބަންދުކޮށްފިއެވެ.

އިނިގިރޭސިވިލާތުގެ ލަންޑަންގެ ސައުތްއެންޑް އެއާޕޯޓަށް ވެއްޓިފައިވަނީ 12 މީޓަރު ދިގުމިނުގެ ކުޑަ ފްލައިޓެއް ކަމަށް ރިޕޯޓުތައް ބުނެއެވެ.

ޑަޗްލޭންޑަށް ނިސްބަތްވާ ޒެއުޝް އޭވިއޭޝަންގެ ފްލައިޓު އެސްޔޫޒެޑް1 ސައުތްއެންޑް އެއާޕޯޓަށް ވެއްޓިފައިވަނީ ނައްޓާލިތާ ތިން ވަރަކަށް ސިކުންތުގެ ތެރޭގައި ކަމަށް ރިޕޯޓުތައް ބުނެއެވެ.

ފްލައިޓު ވެއްޓުމާއެކު ގޮވާފައިވާއިރު ފޮޓޯތަކުން ފެންނަނީ ކަޅު ދުމާއެކު ބޮޑު އަލިފާންގަނޑެކެވެ. ހާދިސާ ހިނގުމާއެކު ސަތަންއެންޑްގެ އޮޕަރޭޝަންތައް މަޑުޖައްސާލައި ފްލައިޓުތައް ވަނީ ކެންސަލްކޮށްފައެވެ.

ގްރީސްގެ އެތެންސް އިން ފުރައިގެން ކޮރޭޝިއާއަށް ދަތުރުކުރުމަށް ފަހު އެފްލައިޓު ވަނީ ލަންޑަނުގެ ސައުތްއެންޑުން ލެލީސްޓެޑަށް ދަތުރުކުރުމަށް ހަމަޖެހިފައެވެ. ފްލައިޓު ވެއްޓިފައިވަނީ ލެލީސްޓެޑަށް ދިއުމަށް ނައްޓާލި ވަގުތު ކަމަށް ރިޕޯޓުތައް ބުނެއެވެ.

ވެއްޓުނު ފްލައިޓުން ދަތުރުކުރީ ކިތައް މީހުން ކަމެއް އަދި ސާފު ނުވާއިރު އޮފިޝަލުން ވަނީ ތަހުގީގެއް ފަށާފައެވެ.