ފޭނުންގެ މެދުގައި ވަރަށް ބޮޑު މަގުބޫލުކަމެއް ހޯދާފައިވާ، ފިލްމު "މިޝަން އިމްޕޮސިބަލް" ސީރީޒްގެ އެންމެ ފަހު ފިލްމު "މިޝަން އިމްޕޮސިބަލް - ދަ ފައިނަލް ރެކަނިން" ސިނަމާތަކުގައި ދައްކަން ފަށައިފިއެވެ. މި ފިލްމާ ގުޅިގެން ގިނަ ބަޔަކު އުފައްދާ ސުވާލަކީ މިއީ މި ސީރީޒްގެ އެންމެ ފަހު ފިލްމުތޯއެވެ. މި ސުވާލުގެ ޖަވާބުގައި ފިލްމުގެ ކާސްޓުން ވަނީ އެކި ގޮތްގޮތަށް ޖަވާބު ދީފައެވެ.

އެންޖެލާ ބެސެޓް (އެރިކާ ސްލޯން) ބުނެފައިވަނީ ޓޮމް ކްރޫޒާއެކު މަސައްކަތްކުރާއިރު އެއްވެސް ކަމެއް ޔަގީންކޮށް ބުނެވޭން ނެތް ކަމަށެވެ. އޭނާ އިތުރަށް ބުނެފައިވަނީ ޓޮމް އަކީ އަބަދުވެސް އާ ކަންކަމަށް ތައްޔާރަށް ހުންނަ މީހެއް ކަމަށެވެ.

ސައިމަން ޕެގް (ބެންޖީ ޑަން) ބުނެފައިވަނީ "ނެވަ ސޭ ނެވަ" އަކީ އޭނާ އަބަދުވެސް ގެންގުޅޭ އުސޫލެއް ކަމަށެވެ. އަދި ފަހު ދެ ފިލްމު ހަދަން 5 އަހަރު ނެގިކަން ފާހަގަކޮށްފައިވެއެވެ. އޭނާ އިތުރަށް ބުނެފައިވަނީ ޓޮމް ކްރޫޒަކީ ފައިނަލިޓީގެ ހިޔާލު ކަމުނުދާ މީހެއް ކަމަށެވެ.

ޓޮމް ކްރޫޒް އަމިއްލައަށް ބުނެފައިވަނީ ފިލްމު ދެއްކުމަށްފަހު މީހުން އަމިއްލައަށް ނިންމަން ދޫކޮށްލަން ބޭނުންވާ ކަމަށެވެ. އޭނާ އިތުރަށް ބުނެފައިވަނީ މިއީ 30 އަހަރުގެ މަސައްކަތުގެ ނަތީޖާ ކަމަށެވެ.

"މިޝަން އިމްޕޮސިބަލް - ދަ ފައިނަލް ރެކަނިން" އަކީ ކްރިސްޓޯފަރ މެކުއަރީ ޑައިރެކްޓްކޮށްފައިވާ އެކްޝަން ސްޕައި ފިލްމެކެވެ. މިއީ މި ސީރީޒްގެ 8 ވަނަ ފިލްމެވެ. މި ފިލްމުގައި ޓޮމް ކްރޫޒްގެ އިތުރުން ހޭލީ އެޓްވެލް، ވިންގ ރޭމްސް އަދި ހެންރީ ޒަރްނީ ފަދަ ތަރިން ފެނިގެންދެއެވެ.