މަގުބޫލު ފްރެންޗައިޒް "ސްޓްރީ" ނެރުމާ ގުޅިގެން، އެ ފިލްމުގެ ލީޑް ކެރެކްޓަރު ޝްރައްދާ ކަޕޫރުގެ ނަން ނޭނގޭތީ ސަޕޯޓަރުން ވަނީ އެ ނަން ހޯދުމަށް ޝައުގުވެރިކަން އުފައްދައިފައެވެ. ނަމަވެސް 2018 ގައި ސްޓްރީގެ ފުރަތަމަ ފިލްމު އަދި 2024 ގައި ނެރުނު "ސްޓްރީ 2" ގައިވެސް އޭނާގެ ނަން ހާމަކޮށްފައެއް ނުވެއެވެ. އެ ދެ ފިލްމުގައި ވެސް އޭނާގެ ނަން ބޭނުންކޮށްފައި ވަނީ ޗުޅޭލް، ނުވަތަ "ހަންޑި"ގެ ގޮތުގައެވެ. އެކަމަކު އެ ހަންޑީގެ އަސްލު ނަމެއް ނޭނގެ އެވެ.

"ސްޓްރީ 3" ގެ ސްކްރިޕްޓުގެ ސަފުހާއެއް ކަމަށް ބުނާ ލިޔުމެއް ދާދި ފަހުން ވަނީ ވައިރަލްވެފައިވެއެވެ. އެ ސްކްރިޕްޓުގައި އޭނާގެ ކެރެކްޓަރުގެ ނަމަކީ 'ގަޔަތުރީ' ކަމަށް ބުނެފައިވެއެވެ. އެ ސްކްރިޕްޓުގައި ފުރަތަމަ ފިލްމުގެ އެންމެ ފަހު މަޝްހޫރު މަންޒަރު ހިމެނިފައިވާ ކަމަށް ބުނެވެއެވެ. މިއީ ގިނަ ދުވަސްތަކެއް ވާންދެން އިންތިޒާރުކުރެވުނު ކަމެއް އާންމުކުރުން ކަމަށް ބައެއް ސަޕޯޓަރުން ސިފަކުރެއެވެ.

މި ލީކާ ގުޅިގެން ޝައުގުވެރިކަން އިތުރުވަމުން އަންނައިރު، ފިލްމު ހަދާ ފަރާތްތަކުން ރަސްމީ އެއްވެސް ކޮމެންޓެއް ކޮށްފައެއް ނުވެއެވެ. ޝްރައްދާ ކަޕޫރު ވަނީ އޭނާގެ ކެރެކްޓަރަކީ ކާކުކަން "ސްޓްރީ 3" ގައި ހާމަކުރާނެ ކަމަށް ވައުދުވެފައެވެ. ސަޕޯޓަރުން ވަނީ 'ގަޔަތުރީ' އަކީ ހަގީގަތުގައިވެސް އޭނާގެ ނަންތޯ ނުވަތަ އިތުރު ސަޕްރައިޒެއް އޮތްތޯ ބަލަން ކެތްމަދުވެފައެވެ.