އިބްރާހިމް ޢަލީ ޚާނާއެކު ޓީން ރޮމް-ކޮމް "ނަދާނިޔާން" ގައި އެންމެ ފަހުން ފެނިގެންދިޔަ ޚުޝީ ކަޕޫރު، މިހާރު ވަނީ އިތުރަށް އިންޓެންސް އަދި ޗެލެންޖިން ރޯލުތަކަށް އަމާޒު ހިފައިފައެވެ. ޚުޝީގެ ފިލްމީ ދާއިރާގެ ފެށުން އައިސްފައިވަނީ، "ދަ އާޗީސް" އިން ލޯބިވެތި އަދި ސެންސިޓިވް ބެޓީ ކޫޕަރުގެ ރޯލުންނެވެ. އޭގެ ފަހުން "ލަވްޔަޕާ" ގައި ވެސް ސަމާސާ އަދި ފުރާ ފުރިހަމަ ދިރިއުޅުމެއް އުޅޭ ބާނީގެ ރޯލު އަދާކޮށްފައިވެއެވެ.

މިހާތަނަށް ޚުޝީ ވަނީ ލުއި އަދި ޒުވާން ވާހަކަތަކުގައި އުޅެފައެވެ. ނަމަވެސް، މިހާރު އޭނާ ދެކޭގޮތުގައި މިހާތަނަށް އަދާކޮށްފައިވާ ލުއި ކެރެކްޓަރުތަކުން ދުރަށް ޖެހި، އިތުރަށް އަނދިރި ރޯލުތަކެއް އަދާކުރުމުގެ ވަގުތު އައިސް ޖެހިއްޖެއެވެ.

ގްރޭޒިއާ އިންޑިއާއަށް ދިން އިންޓަވިއުއެއްގައި، ޚުޝީ ވަނީ ތުރިލާ ނުވަތަ ހޮރާ ޖާންރާއަށް ވަނުމުގެ ޝައުގުވެރިކަން ހާމަކޮށްފައެވެ. އޭނާ ބުނެފައިވަނީ ސީދާ ހޮރާ ފިލްމަކަށް ނޫނަސް، އިތުރަށް އަނދިރި ތީމްތަކެއް ހިމެނޭ އަދި އިތުރު އިހުސާސްތަކާއި ޑްރަމެޓިކް ބަރުދަނެއް ހުރި މަޝްރޫއުތަކަށް ޝައުގުވެރިވާ ކަމަށެވެ.

އޭނާގެ ދައްތަ ޖާންވީ ކަޕޫރު ވަނީ "ގޯސްޓް ސްޓޯރީސް" އަދި "ރޫހީ" ފަދަ މަޝްރޫއުތަކާއެކު ހޮރާ އަދި ތްރިލާ ފިލްމުތަކުގައި އުޅެފައެވެ. މިއީ ޚުޝީގެ ދެން އޮތް ހަރުފަތަށް އިންސްޕިރޭޝަނެއް ކަމުގައި ވެދާނެއެވެ.

"ނަދާނިޔާން" ގައި އިމްތިޔާޒީ ޕިއާ ޖައިސިންގްގެ ރޯލު އަދާކުރި ތަން ދުށް ފޭނުން، އޭނާގެ އެކްޓިން ހުނަރުގެ މުޅިން ތަފާތު އެހެން ފަރާތެއް ފެނުމަށް ޝައުގުވެރިވެދާނެއެވެ. އިތުރަށް އަނދިރި، ސީރިއަސް ދައުރެއް އަދާކުރުމަކީ ޚުޝީއަށް އޭނާގެ ހުނަރުވެރިކަން ދައްކާލުމަށާއި އޭނާގެ ކުރިއަރަމުންދާ ފިލްމޮގްރަފީއަށް އިތުރު ފުންމިނެއް ގެނައުމަށް ލިބޭ ރަނގަޅު ފުރުސަތަކަށް ވެދާނެއެވެ.