ކ. ގުރައިދޫގައި ހަތަރު މަހުގެ ކުއްޖެއް މަރުވި މައްސަލަ ފުލުހުން ބަލަން ފަށައިފިއެވެ.

ފުލުހުން މީޑިއާތަކަށް ދެންމެ ފޮނުވި މެސެޖެއްގައި ބުނީ ގުރައިދޫގައި ހަތަރު މަހުގެ ކުއްޖަކު މަރުވި މައްސަލަ މިއަދު އެ އިދާރާއަށް ރިޕޯޓްކޮށްފައިވާ ކަމަށެވެ. އަދި އެ ކުއްޖާގެ ހަށިގަނޑުގެ އޮޓޯޕްސީ ހެދުމަށްޓަކައި ރާއްޖެއިން ބޭރަށް ފޮނުވުމަށް ހަމަޖައްސާފައިވާ ކަމަށް ބުންޏެވެ.

ފުލުހުން ބުނީ އެ މައްސަލަ އެ އިދާރާއިން ތަހުގީގުކުރަމުން އަންނަ ކަމަށެވެ. ނަމަވެސް އެކަމުގެ ތަފްސީލެއް ނުދެއެވެ.