މަރުކަޒީ ބޭންކު، އެމްއެމްއޭގެ ބޯޑުގައި ޕްރައިވެޓް ސެކްޓާ ތަމްސީލްކުރައްވާ ދެ މެންބަރަކު މަގާމުން ވަކިކޮށްފިއެވެ.

މި މެންބަރުން މަގާމުން ވަކިކޮށްފައިވާ ކަން އެމްއެމްއޭގެ އޮފިޝަލަކު ވަނީ "ވަން" އަށް މިރޭ ކަށަވަރުކޮށްދެއްވާފައެވެ. ނަމަވެސް އެ ދެ މެންބަރުން މަގާމުން ވަކިކުރި ސަބަބެއް އޭނާ ވިދާޅެއް ނުވެއެވެ.

އެމްއެމްއޭގެ ބޯޑުން މިއަދު ވަކިކުރީ މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީ (މަޓީ)ގެ ޑެޕިއުޓީ ސެކްރެޓަރީ ޖެނެރަލް އައްސަދު އަލީއާއި މޯލްޑިވްސް އިންޓަނޭޝަނަލް އާބިޓްރޭޝަން ސެންޓަރުގެ ޗެއާމަން ވަކީލު ޝަހުދީ އަންވަރެވެ.

އެމްއެމްއޭގެ ބޯޑުގައި ހިމެނެނީ ޕްރައިވެޓް ސެކްޓާ ތަމްސީލުކުރައްވާ ދެ ބޭފުޅުން ހިމެނިވަޑައިގަންނަވާހެން ހަތް މެންބަރުންނެވެ.