ދައުލަތަށް ހިދުމަތްކުރުމުގެ އިނާމު 117 ބޭފުޅަކަށް

ދައުލަތަށް ދިގު މުއްދަތަކަށް ހިދުމަކޮށްދެއްވި 117 ބޭފުޅެއްގެ އަގުވަޒަންކޮށް، އެބޭފުޅުންނަށް އިނާމު ދީފިއެވެ.

ޖުމްހޫރީ މައިދާނުގައި މިރޭ ބޭއްވި ޖުމްހޫރީ ދުވަހުގެ ޖަލްސާގައި 117 ބޭފުޅުންނަށް ދައުލަތަށް ހިދުމަތްކުރުމުގެ އިނާމު ހަވާލުކޮށްދެއްވީ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހެވެ.

ދައުލަތަށް ހިދުމަތްކުރުމުގެ އިނާމު ލިބުނު ބޭފުޅުންނަށް ރައީސް ވަނީ، ޝަރަފުގެ ބެޖާއި ޝަރަފުގެ އައްޑަނައާ ހަނދާނީ ލިޔުން ހަވާލުކޮށްދެއްވައިފައެވެ.

ގައުމީ އިނާމު ލިބުނު ބޭފުޅުން

މިއަހަރުވެސް ދައުލަތަށް ހިދުމަތްކުރުމުގެ އިނާމު ދީފައިވަނީ މައިގަނޑު 33 ދާއިރާއަކުންނެވެ. ދައުލަތަށް ހިދުމަތްކުރުމުގެ އިނާމަކީ ސަރުކާރަށް ގިނަ ދުވަހު މަސައްކަތްކޮށްދެއްވާފައިވާ ބޭފުޅުންގެ އަގު ވަޒަންކުރުމަށް ދޭ އިނާމެކެވެ.