ކޮވިޑް-19 ޖެހިގެން ސްރީ ލަންކާގައި ފަރުވާ ހޯދަމުން ދިޔަ ދިވެއްސަކު މިއަދު މަރުވެއްޖެއެވެ.

ކޮވިޑް ޖެހިގެން ލަންކާގައި ދިވެއްސަކު މަރުވިކަން ފޮރިން މިނިސްޓްރީންނާއި ލަންކާގައި ހުންނަ ދިވެހި ހައިކޮމިޝަނުންވެސް ވަނީ "ވަން" އަށް ކަށަވަރު ކޮށްދީފައެވެ.

ފޮރިން މިނިސްޓްރީން ބުނީ، ކޮވިޑް ޖެހިގެން ލަންކާގައި ދިވެއްސަކު މިއަދު މަރުވެފައިވާތީ، ކޮންސިއުލާ އެހީތެރިކަން ފޯރުކޮށްދެމުން އަންނަ ކަމަށެވެ. ތަފުސީލެއް ނުދެއްވައެވެ.

"ވަން" އަށް އެނގިފައިވާ ގޮތުގައި، މަރުވެފައި ވަނީ ކޮވިޑް ޖެހިގެން ކޮލަމްބޯގައި ހުންނަ ނަވަލޯކާ ހޮސްޕިޓަލުގައި ފަރުވާ ހޯދަމުންދިޔަ އުމުރުން ދުވަސްވީ މީހެކެވެ.