ބ. އޭދަފުށީ މަގުތައް ހެދުމުގެ މަޝްރޫއުގެ 90 އިންސައްތަ މަސައްކަތް ނިންމާލައިފިއެވެ.

އެ މަސައްކަތް ކުރާ އެމްޓީސީސީން މިއަދު ބުނީ އޭދަފުށީ މަގުތަކުގައި ތާރުއެޅުމުގެ މަސައްކަތް އެއްކޮށް ނިންމާލައިފައިވާ ކަމަށެވެ. އަދި މަގުމަތީ ނިޝާން ހަރުކުރުމާއި މަގުބައްތި ހަރުކުރުމުގެ މަސައްކަތުގެ 80 އިންސައްތަވެސް ނިންމާލައިފައިވާ ކަމަށް އެމްޓީސީސީން ބުންޏެވެ.

މި މަޝްރޫއުގެ ދަށުން، ފެން ހިންދާ ނިޒާމެއް ގާއިމު ކުރުމާއި މަގުތަކުގައި ތާރު އެޅުމާއި މަގުބައްތި ހަރުކުރުމާއި މަގުމަތީ ނިޝާން ހަރުކުރުމާއި ސްޕީޑް ބްރޭކަރު ހަރުކުރުމުގެ މަސައްކަތް ކުރާނެއެވެ.

މިއީ 39.1 މިލިއަން ރުފިޔާގެ މަޝްރޫއެކެވެ.