އުރީދޫގެ ސީއީއޯ ޝާދީ ގަވާސްމީ ސޯޝަލް މީޑިއާގައި ލައިވް ޗެޓް މެދުވެރިކޮށް ކަޝްޓަމަރުންގެ ސުވާލުތަކަށް ޖަވާބުދެއްވުމަށް ހަމަޖެހިއްޖެއެވެ.

އުރީދޫން ރޭ ބުނީ އުރީދޫގެ ސީއީއޯ ޝާދީ ގަވާސްމީ ސޯޝަލް މީޑިއާގައި ލައިވް ސެޝަން ކުރިއަށްދާނީ މިއަދު ހެނދުނު 11:00 އިން ފެށިގެން 11:30 އަށެވެ. މިއީ އެ ކުންފުނީގެ ކަސްޓަމާ ސާވިސް ހަފުތާގެ ހަރަކާތްތަކުގެ ތެރެއިން ކުރިއަށްގެންދާ ސެޝަނެއް ކަމަށް ވެސް ބުންޏެވެ.

މި ލައިވް ސެޝަން ކުރިއަށްދާނީ އެ ކުންފުނީގެ ވެރިފައިޑް ހުރިހާ ސޯޝަލް މީޑިއާ އެކްއުންޓްސްތަކުގައެވެ. އޭގެ ތެރޭގައި ފޭސްބުކް، އެކްސް އަދި އިންސްޓަގްރާމް ހިމެނެއެވެ.

މި ޕްލެޓްފޯމުތައް މެދުވެރިކޮށް ކަސްޓަމަރުންނަށް އުރީދޫގެ ހިދުމަތްތަކާ ގުޅޭ ސުވާލުތަކާއި ހިދުމަތްތަކާ ގުޅޭ ފީޑްބެކް ސީދާ ޗެޓް މެދުވެރިކޮށް ސީއީއޯއާ ހިއްސާ ކުރުމުގެ ފުރުސަތު ލިބިގެންދާނެއެވެ. އަދި ލައިވް ކުރިއަށްދާ ވަގުތު ފޮނުވާ ސުވާލުތަކަށް ޝާދީ ގަވާސްމީ ވަގުތުން ޗެޓް މެދުވެރިކޮށް ޖަވާބުދެއްވާނެ ކަމަށްވެސް އުރީދޫން ބުންޏެވެ.