އުރީދޫ މަސްރޭސް އަންނަ މަހުގެ ހަތް ވަނަ ދުވަހު ކ. މާފުށީގައި ކުރިޔަށްގެންދާ ގޮތަށް ނިންމައިފިއެވެ.

އުރީދޫގެ ހެޑް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި އެކުންފުނީގެ ޗީފް ކޮމާޝަލް އޮފިސާ ހުސެއިން ނިޔާޒް ވިދާޅުވީ މި ފަހަރުގެ އުރީދޫ މަސްރޭސް ކުރިޔަށްގެންދާނީ ކ. މާފުށީގައި ކަމަށެވެ.

އެގޮތަށް ނިންމީ ގިނަ ބައެއްގެ އެދުމުގެ މަތިން އެކި އަތޮޅުތަކުގެ އެކި ރަށްރަށުގައި ބޭއްވުމަށް ރަށްތަކުން އެކުންފުނީގައި އެދެމުން ގެންދިއުމުން ކަމަށެވެ.

މި ފަހަރުގެ މަސްރޭހުގައި 16 ޓީމަކުން ބައިވެރިވާނެ ކަމަށް އެކުންފުންނިިން ބުންޏެވެ.