ވޯލްޑް ކަޕް 2026: ބްރެޒިލް 1-2 ނޯވޭ (ފުލްޓައިމް)

މެޗުގެ ފުރިހަމަ ވަގުތުގެ ކުޅުން ނިންމާލައިފި. ފަސް ފަހަރުގެ ޗެމްޕިއަން ބްރެޒިލް ކަޓުވާލައި، ނޯވޭ ފުރަތަމަ ފަހަރަށް ކުއާޓާ ފައިނަލަށް. ތާރީހުގެ ފަސްވަނަ މެޗުން ވެސް ބްރެޒިލަށް ނޯވޭ ބަލިނުކުރެވުނު. 

'90+10 - ބްރެޒިލުން ޕެނަލްޓީން ގޯލު ޖަހައިފި. ބްރެޒިލަށް ޕެނަލްޓީ ކާމިޔާބުކޮށްދިނީ ނޭމާ. 

'90+8 - ޕެނަލްޓީ އޭރިއާ ތެރެއިން ކެސެމީރޯއަށް ލިއޯ އޮސްޓިގާޑް ކުރި ފައުލަކާ ގުޅިގެން ބްރެޒިލަށް ޕެނަލްޓީއެއް. 

'90+5 - އޮޑެގާޑަށް ކުރި ފައުލަކާ ގުޅިގެން ބްރެޒިލްގެ ނޭމާއަށް ރީނދޫ ކާޑެއް. 

ދެވަނަ ހާފުގެ އިތުރު ވަގުތުގެ ގޮތުގައި ހަތް މިނެޓުގެ ކުޅުން ދައްކައިފި. 

'90 - ހިތްގައިމު ގޯލަކާއެކު ހާލަންޑް ނޯވޭއަށް ލީޑު ފުޅާކޮށްދީފި. ޕެނަލްޓީ އޭރިއާ ބޭރުން އޭނާ ބޯޅަ އަމާޒުކޮށްލާފައިވަނީ ބްރެޒިލް ގޯލުގެ ތިރީ ކަނަކަށް. މިއީ މި ވޯލްޑް ކަޕްގައި އޭނާ ޖެހި ހަތްވަނަ ގޯލު. އެއާއެކު އާޖެންޓީނާ ކެޕްޓަން ލިއޮނެލް މެސީ އާއި ފްރާންސް ކެޕްޓަން ކިލިއަން އެމްބާޕޭއާއެކު އެންމެ ގިނަ ގޯލު ޖެހި ކުޅުންތެރިންގެ ލިސްޓުގެ ކުރިއަށް ހާލަންޑް ވަނީ ޖެހިލާފައި. 

'85 - ބްރެޒިލްގެ ނުރައްކަލެއް. ދިފާއުކުރަން އުޅުމުގެ ތެރޭގައި އަޔާގެ ފައިގައި ޖެހި ބޯމަތިން ބައިކޮޅަށް ގޯލުގެ ތެރެއަށް ވަންނަން ދަނިކޮށް، ނޯވޭ ކީޕަރު ނީލަންޑް ވަނީ މަތަކޮށްފައި. 

'79 - ނޯވޭ އިން ގޯލު ޖަހައި ލީޑު ހޯދައިފި. ޝޯލްޑެރަޕް ނަގައިދިން ބޯޅަ، ޕެނަލްޓީ އޭރިއާ ތެރެއިން ބޮލުން ގޯލުގެ ތެރެއަށް ފޮނުވާލައިގެން ނޯވޭއަށް ލީޑު ހޯދައިދިނީ ހާލަންޑް. މިއީ މި ވޯލްޑް ކަޕްގައި ހާލަންޑް ޖެހި ހަވަނަ ގޯލު. 

'78 - ބްރެޒިލްގެ އިތުރު ބަދަލެއް. ގިމަރޭސްގެ ބަދަލުގައި ކުޅެން ނުކުތީ އެޑަސަން ސިލްވާ. 

'75 - ނޯވޭގެ ނުރައްކަލެއް. އަވަސް ކައުންޓާއެއްގައި ކުރިއަށް ގޮސް، ހާލަންޑް ދިން ބޯޅައަކުން ޕެނަލްޓީ އޭރިއާ ތެރެއިން އަންދްރޭސް ޝޯލްޑެރަޕް ފޮނުވާލި ހަމަލާ، ބްރެޒިލް ކީޕަރު އެލިސަން ވަނީ މަތަކޮށްފައި. 

ހައިޑްރޭޝަން ބްރޭކަށް މެދުކަނޑާލުމަށްފަހު ކުޅުން އަލުން ފަށައިފި. 

'67 - ބްރެޒިލުން ދެ ބަދަލެއް. ރަޔަން އާއި މާޓިނެލީގެ ބަދަލުގައި ކުޅެން ނުކުތީ ޑެނީލޯ އަދި ނޭމާ. 

'67 - ނޯވޭއަށް ފުރުސަތެއް. ކްރިސްޓޮފާ އަޔާ ދިން ބޯޅަ، ޕެނަލްޓީ އޭރިއާ ތެރެއިން ހާލަންޑްގެ ފައިގައި ލައްވާލައިފައެއް ނުވޭ. 

'63 - ބްރެޒިލަށް އިތުރު ފުރުސަތެއް. ރަޔަން ދިން ބޯޅައަކުން ޕެނަލްޓީ އޭރިއާ ތެރެއިން ބްރޫނޯ ގިމަރޭސް ފޮނުވާލި ހަމަލާ ވެސް ނޯވޭ ކީޕަރު ނީލަންޑް ވަނީ ހުޝިޔާރުކަމާއެކު މަތަކޮށްފައި. 

'62 - ބްރެޒިލްގެ ނުރައްކާތެރި ހަމަލާއެއް. ޕެނަލްޓީ އޭރިއާ ބޭރުން ރަޔަން ފޮނުވާލި ހަމަލާ، ނޯވޭގެ ކީޕަރު ނީލަންޑް ވަނީ މަތަކޮށްފައި. 

'59 - ބްރެޒިލަށް ހުސް ފުރުސަތެއް. ކައުންޓާ އެޓޭކެއްގައި ވިނީޝިއަސް ދިން ރީތި ބޯޅައެއް ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު އެންޑްރިކް ފޮނުވާލި ހަމަލާ، ނޯވޭގެ ގޯލާ އަމާޒުވެފައެއް ނުވޭ. 

'58 - ބްރެޒިލުން ބަދަލެއް. ކުންޏާގެ ބަދަލުގައި ކުޅެން ނުކުތީ އެންޑްރިކް. 

މެޗުގެ ފުރަތަމަ ފަސް މިނެޓުގެ ތެރޭގައި ދެ ޓީމުގެ ފަރާތުން ފެނިގެންދިޔައީ ދާދި ހަމަހަމަ ކުޅުމެއް. ދެ ޓީމަށް ވެސް ގޯލު ޖަހާނެ ރަނގަޅު ފުރުސަތެއް ތަނަވަސްކުރެވިފައެއް ނުވޭ. 

މެޗުގެ ދެވަނަ ހާފުގެ ކުޅުން ފަށައިފި. ނޯވޭއިން ނުކުތީ ބަދަލަކާއެކު. ނޫސާ އާއި ސޯލޯތުގެ ބަދަލުގައި ކުޅެން ނުކުމެފައިވަނީ އޮސްކާ ބޮބް އަދި އަންދްރޭސް ޝޯލްޑެރަޕް. 

މެޗުގެ ފުރަތަމަ ހާފުގެ ކުޅުން ނިންމާލައިފި. ހާފު ނިމިގެންދިޔައީ 0-0 ގެ ނަތީޖާއަކުން ދެ ޓީމު އެއްވަރުވެގެން. 

'45+3 - ނޯވޭގެ ނުރައްކަލެއް. ކައުންޓާ އެޓޭކެއްގައި ޕެނަލްޓީ އޭރިއާ ތެރެއިން ލިބުނު ބޯޅައަކުން ހުސްކޮށް ހުރެ ކެޕްޓަން މާޓިން އޮޑެގާޑް ފޮނުވާލި ހަމަލާ، ބްރެޒިލް ކީޕަރު އެލިސަން ވަނީ ހުޝިޔާރުކަމާއެކު މަތަކޮށްފައި. 

ފުރަތަމަ ހާފުގެ އިތުރު ވަގުތުގެ ގޮތުގައި ހަ މިނެޓުގެ ކުޅުން ދައްކައިފި. 

'40 - ބްރެޒިލަށް ހުސް ފުރުސަތެއް. މާޓިނެލީ ދިން ބޯޅައަކުން ޕެނަލްޓީ އޭރިއާ ތެރޭ ވަރަށް ހުސްކޮށް ހުރެ، ވިނީޝިއަސް ފޮނުވާލި ހަމަލާ، ނޯވޭ ކީޕަރު ނީލަންޑް ވަނީ މަތަކޮށްފައި. 

'37 - ނޯވޭގެ އިތުރު ނުރައްކަލެއް. ނޫސާ ނަގައިދިން ބޯޅަ، ޕެނަލްޓީ އޭރިއާ ތެރެއިން ހާލަންޑް މަސައްކަތްކުރީ ބްރެޒިލްގެ ކީޕަރު އެލިސަންގެ ބޯމަތިން ފޮނުވާލަން. ނަމަވެސް އެލިސަން ވަނީ އެ ބޯޅަ އުނދަގުލެއް ނެތި ހޯދާފައި. 

'35 - ނޯވޭގެ ނުރައްކަލެއް. ޕެނަލްޓީ އޭރިއާ ތެރެއިން ނޯވޭ ކެޕްޓަން މާޓިން އޮޑެގާޑް ފޮނުވާލި ހަމަލާ ދިޔައީ ބްރެޒިލް ގޯލުގެ އަރިމަތީ ދަނޑި ކައިރިން ބޭރަށް. 

'30 - ބްރެޒިލްގެ ނުރައްކަލެއް. އަރިމަތިން ޕެނަލްޓީ އޭރިއާ ތެރެއިން ޑަގްލަސް ސަންޓޯސް ނަގައިދިން ހުރަސް، ނުރައްކާވުމުގެ ކުރިން ނޯވޭ ކީޕަރު ނީލަންޑް ވަނީ ކުރިއަށް ނުކުމެ ދިފާއުކޮށްފައި. 

ހައިޑްރޭޝަން ބްރޭކަށް މެދުކަނޑާލުމަށްފަހު އަލުން ކުޅުން ފަށައިފި. 

'23 - ނޫސާ އަތުން ގެއްލުނު ބޯޅައެއް ހިފައިގެން ކުންޏާ ނުރައްކާކުރުމަށް ޕެނަލްޓީ އޭރިއާ ތެރެއަށް ވަން ނަމަވެސް، އޭނާ ހަމަލާއެއް ފޮނުވާލުމުގެ ކުރިން ނޯވޭ ޑިފެންޑަރު ޑޭވިޑް މޮލާ ވުލްފް ވަނީ ދިފާއުކޮށްފައި. 

'16 - ބްރެޒިލްގެ ހަމަލާއެއް. ބޯޅަ ހިފައިގެން ޕެނަލްޓީ އޭރިއާ ތެރެއަށް ވަނުމަށްފަހު، ރަޔަން ފޮނުވާލި ހަމަލާ، ނޯވޭގެ ގޯލާ އަމާޒުވެފައެއް ނުވޭ.

'14 - ބްރެޒިލްގެ ބްރޫނޯ ގިމަރޭސް ފޮނުވާލި ޕެނަލްޓީ، އޯޔާން ނީލަންޑް މަތަކޮށްފި. 

ވީއޭއާރަށް ބެލުމަށްފަހު ކުންޏާއަށް ކްރިސްޓޮފާ އަޔާ ފައުލްކޮށްފައިވާ ކަމަށް ނިންމައި، ބްރެޒިލަށް ޕެނަލްޓީ ދޭން ރެފްރީ ނިންމައިފި. 

'10 - ގެބްރިއެލް މާޓިނެލީ ދިން ބޯޅަ، ޕެނަލްޓީ އޭރިއާ ތެރެއިން މެތިއަސް ކުންޏާއަށް ނޯވޭގެ ކްރިސްޓޮފާ އަޔާ ފައުލްކުރުމުން ނިންމާލެވިފައެއް ނުވޭ. ޕެނަލްޓީއެއްތޯ ބެލުމަށް ރެފްރީ ވީއޭއާރްގެ އެހީ ހޯދަނީ. 

ފުރަތަމަ ހާފުގެ ކުރީކޮޅުގައި އެޓޭކިން ކުޅުން ވަރުގަދަކޮށް ފެންނަނީ ނޯވޭގެ ފަރާތުން. ބްރެޒިލްގެ ފަރާތުން އެދެވޭ ކުޅުން ދެއްކުމަށް ދަނީ އުނދަގޫތަކެއް ކުރިމަތިވަމުން. 

'3 - ސޯލޯތު ދިން ބޯޅަ، ޕެނަލްޓީ އޭރިއާ ތެރެއިން ޕެޓްރިކް ބާގް، ބްރެޒިލްގެ ގޯލުގެ ތެރެއަށް ބޯޅަ ފޮނުވާލި ނަމަވެސް، ސޯލޯތު އޮފްސައިޑް މަގާމެއްގައި ހުރި ކަމަށް ވަނީ ނިންމާފައި. 

މެޗުގެ ކުޅުން ފަށައިފި. ކިކްއޯފް ކުރީ ނޯވޭ އިން. 

ނޯވޭގެ ފުރަތަމަ 11 އިން ބޮޑު ބަދަލެއް ފާހަގަވެފައެއް ނުވޭ. 

ނޯވޭގެ ފުރަތަމަ 11: 

- އޯޔަން ނީލަންޑް (ގޯލްކީޕަރު) 

- ހޫލިއަން ރިޔާސަން 

- ކްރިސްޓޮފާ އަޔާ

- ޓޯބްޔޯން ހެގެމް 

- ޑޭވިޑް މޮލާ ވުލްފް 

- ސެންޑާ ބާގް 

- ޕެޓްރިކް ބާގް 

- މާޓިން އޮޑެގާޑް (ކެޕްޓަން) 

- އެލެކްޒެންޑާ ސޯލޯތު 

- އެންޓޯނިއޯ ނޫސާ

- އާލިން ހާލަންޑް 

މި މެޗަށް ބްރެޒިލްގެ ޓީމުން ވަނީ އެއް ބަދަލު ގެނެސްފައި. އެއީ ލޫކަސް ޕަކެޓާގެ ބަދަލުގައި ގެބްރިއަލް މާޓިނެލީއަށް ފުރުސަތު ދިނުން. އަނިޔާއަށްފަހު މިރޭގެ މެޗުގައި ބްރެޒިލުގެ ބެންޗުގައި ރަފީނިއާ ހިމެނޭ. 

ބްރެޒިލްގެ ފުރަތަމަ 11: 

- އެލިސަން ބެކާ (ގޯލްކީޕަރު) 

- ޑަގްލަސް ސަންޓޯސް 

- ގެބްރިއެލް 

- މާކީނިއޯސް (ކެޕްޓަން) 

- ޑެނީލޯ 

- ކަސެމީރޯ 

- ބްރޫނޯ ގިމަރޭސް 

- ވިނީޝިއަސް ޖޫނިއާ 

- ގެބްރިއަލް މާޓިނެލީ 

- ރަޔަން 

- މެތިއަސް ކުންޏާ